دوه پوليس ووژل شول

لښکرګاه (پژواک ٢٣ غبرګولى ٩٥): د هلمند چارواکي وايي، د دې ولايت په مرکز لښکرګاه کې چاودنه شوې، چې دوه پوليس په کې وژل شوي دي.

د دې ولايت د والي وياند عمر ځواک، پژواک خبري اژانس ته وويل چې نن مازيګر شاوخوا پنځه بجې د لښکرګاه د بولان سيمې په انارباغ کې د پوليسو پر ګزمې چاودنه شوې ده.

ده زياته کړه، په دې پېښه کې دوه پوليس وژل شوي او يو ټپي دى.

د بولان حوزې قومندان لومړي څارن عبدالواسع هم وايي چې د يوې پوستې قومندان ضياءالحق او يو ساتونکى يې په دې چاودنه کې وژل شوي او يو بل ساتونکى يې ژوبل دى.

بولان چې د ښار د څلورمې حوزې اړوند دى، شپږ میاشتي وړاندې هم په کې په ورته پېښه کې څلور پولیس وژل شوي وو.

غړي

You need to subscribe to view the full article. Please login or register a new account.