مزارشريف (پژواک، ۲٥ سلواغه، ۹۵): په بلخ ولايت کې د سيمه ييزو راډيوګانو مسوولين وايي چې له بېلا بېلو اړخونو له مالي ستونزو سره مخامخ دي.
د بلخ په مرکز مزارشريف ښار کې د سلواغې په ۲۴مه، د راډيو نړيوالې ورځ د خبريالانو او د سيمه ييزو رسنيو د مسوولينو له خوا ونمانځل شوه.
ياد پروګرام چې د نهاد راډيو له خوا د بلخ د اطلاعاتو او فرهنګ رياست په ملاتړ جوړ شوی و، په ترڅ کې يې ځينې راډيويي خبريالان په ستاينليکونو وستايل شول.
د يادې نمانځنې په څنډه کې د سيمه ييزو راډيوګانو مسوولينو پژواک خبري اژانس ته وويل چې له بېلا بېلو اړخونو له مالي ستونزو سره مخامخ دي.
بلخوا د خبريالانو ټولنې مسوولينو بيا په تېرو دوو کلونو کې د بلخ له ۱۵ راډيوګانو څخه د ۶ راډيوګانو د بندېدو دليل مالي ستونزې وبللې.
د نهاد سيمه ييزې راډيو مسوول نجيب پيکان وويل، رسنۍ له بېلا بېلو اړخونو له ډېرو مالي ستونزو سره مخامخ دي، چې له همدې امله يې ځينې بندې شوې دي.
نوموړي د مخابراتو ټکس، ماليه، د برېښنا لګښت د سيمه ييزو راډيوګانو له عمده مالي ستونزو څخه وګڼلې.
هغه له دولت څخه په دې برخو کې له سيمه ييزو رسنيو سره د ملاتړ جدي غوښتنه وکړه.
د لحظه سيمه ييزې راډيو مسوول فهيم حقبين وويل، له تېرو دوه کلونو راهيسې له اقتصادي ستونزو سره لاس او ګرېوان دي.
نوموړي يې يو لامل د دولت له خوا له سيمه ييزو رسنيو سره له عدالت څخه لرې چلند وګاڼه.
نوموړي د برېښنا د بيې په تړاو وويل، له سيمه ييزو رسنيو سره هم لکه عايداتي شرکتونه داسې چلند کېږي.
هغه وايي، دولت توليدي فابريکو ته يو کيلوواټ برېښنا په ۶ افغانيو ورکوي، خو سيمه ييزو رسنيو ته يې په ۱۶ افغانۍ ورکوي.
حقبين وويل، بايد له سيمه ييزو رسنيو سره هم چې پوره عايداتي سرچينې هم نه لري، د برېښنا بېل کم شي.
په بلخ ولايت کې د شمال زون د خبريالانو د ټولنې مسوول ګلاب شاه باور وويل، سيمه ييزې رسنۍ په خپلو سيمو کې دولت او خلکو تر منځ د واټن جوړېدو اساسي ستنې دي.
نوموړي زياته کړه چې دولت بايد د ازادو رسنيو ملاتړ وکړي.
هغه وايي، له تېرو دوو کلونو د بلخ له لسګونو رسنيو څخه د اقتصادي ستونزو له امله څلور تلويزونونه او شپږ راډيوګانو فعاليت بند شوی دی.
خو د بلخ د اطلاعاتو او فرهنګ ريس صالح محمد خليق پژواک ته وويل، چې دولت د بلخ د سيمه ييزو راډيوګانو د بندېدو په علت کې ګرم نه دی.
نوموړي زياته کړه، په دغه ولايت کې هېڅ رسنۍ د سياسي او امنيتي ستونزې له امله بنده شوې نه ده.
د هغه په وينا، د ډېرو رسنيو د بندېدو د علت پړه د هغې رسنۍ د امتياز څښتن ته متوجه ده.
غړيYou need to subscribe to view the full article. Please login or register a new account.
