کابل (پژواک، ٢٤ غويى ٩٦) : د امريکامتحده ايالاتو حکومت په ټينګې ژمنتيا د افغان ولس ترڅنګ ولاړ او له افغان امنيتي او دفاعې ځواکونوسره خپلومرستوته دوام ورکوي.
دغه څرګندونې په افغانستان کې د ا مريکا سفير هوګو لورينس د ملي د فاع وزارت لوى درستيز جنرال محمد شريف يفتلي سره د ليدنې پر مهال کړې دي.
له ملي دفاع وزارت څخه د غويي په ٢٤مه، پژواک خبري اژانس ته په يوه رالېږل شوې خبرپاڼه کې راغلي، لوی درستيز ډګر جنرال محمدشريف يفتلي د امريکا له هر اړخيزو مرستو څخه مننه وکړه .
هغه زياته کړه، افغان زړه ورو او اتلو امنیتی او دفاعي ځواکونو په خپلو پیاوړو مټو او قربانيو سره د سولې او وطن دښمنان ځپلي او مرګوني ګوزارونه يې ورکړي دي.
يفتلي د ملي اردو لوړو قابلیتونو او لومړیتوبونو ته په اشارې سره ويلي، ملی اردو د تېروکلونو په اوږدوکی دجګړه ييزو بریالیو عملیاتو په ترڅ کې ډېرې تجربې ترلاسه او په ډيرې زړورتيا اوښې همغږۍ کې ادامه ورکوي .
د امريکا سفير هوګو لورينس په دې ليدنه کې د افغان دفاعي ځواکونو فداکارۍ او برياوې وستايلې او ډاډ يې ورکړ چې هېواد يې د نړيوالې ټولنې سره يوځای د افغان ځواکونو سره د ښوونې او روزنې ، پوځي تجهیزاتو، لوژستیکي اکمالاتو او هوايي قواوو د سمبالښت په برخو کی خپلو همکاريو ته ادامه ورکوي.
login or register a new account.
