مزارشريف (پژواک، ۱۷ غبرګولی ۹۶): د بلخ ولايت په مرکز مزارشريف ښار کې د "قران پوهنې" اړوند نندارتون پيل شو.
د نندارتون مسوولين وايي چې ورته نندارې ځوانانو ته د "قران پوهنې" په اړه د پوهېدو فکر پيدا کوي، چې له لارې يې هغه دښمن پېژندلی شي چې د افغانانو پر وړاندې د اسلام له نوم څخه ناوړه ګټه پورته کوي.
دغه نندارتون چې تېره ورځ په اريانا پارک پرانيستل شو، د روژې تر اوولسمې به د خلکو پر مخ پرانيستی وي.
په ياد نندارتون کې د شپې لخوا د قاريانو د تلاوت سيالۍ، قراني محصولاتو، کتاب، سي ډي، ويډيو او نورو توکو نندارې او ماشومانو ته د"قران پوهنې" اړوند فلمونو نندارې ته وړاندې کېدل دي.
د نندراتون تنظيمونکي سيدعلي پژواک خبري اژانس ته وويل،د مزارشريف ښار لسګونو د "قران پوهنې" مرکزونو په دغه نندارتون کې برخه اخيستې ده.
نوموړي زياته کړه، د شپې لخوا په کې د هېواد د داخل او بهرنيو قاريانو لخوا د تلاوت سيالۍ کېږي ا و د ورځې لخوا په غرفو کې قراني محصولات کتاب، د قران پوهنې اړوند رسالې، اډيو او ويډيو سي ډي او داسې نور توکي نندارې ايښودل شوي دي.
سيد علي وايي، ورته نندارې ځوانانو ته فکر ورکوي چې د خپل دين او خپل اسماني کتاب قران په اړه فکر وکړي او پوهېدو ته يې تشويق شي.
نوموړي زياته کړه: (( ځوانان په قران د پوهېدو له لارې د خپل وطن هغه دښمن په سمه توګه پېژندلی شي، چې زموږ پر وړاندې له اسلام څخه ناوړه ګټه پورته کوي.))
د هغه په وينا، نندارې ته د دوی له اټکل ډېر ځوانان او مشران را روان وي.
د نندارې يو ګډنوال محمد ادريس پژواک خبري اژانس ته وويل، په لومړي ځل د "قران پوهنې" اړوند داسې ننداره ګوري چې هم تفريحي اړخ لري او هم اسلامي.
نوموړي زياته کړه، نندارې ته د مشرانو تر څنګ ځوانان(هلکان او نجونې) په ډېره پيمانه راځي او د قران اړوند د پوهېدو هڅه کوي.
د هغه په وينا، ورته نندارې د ځوانانو د فکري ويښتيا او ذهني روښانتيا لپاره اړينې دي.
د بلخ د اطلاعات او فرهنګ رياست مسوولين دا ډول مبارزه ګټوره ګڼي.
د دغه رياست مرستيال عطامحمد ساهو وايي، که چېرې ځوانان د خپل دين په اړه پوره او کره معلومات ولري؛ نو د روانو يرغلونو پر وړاندې ښه مبارزه کولی شي.
نوموړي په مزارشريف ښار کې د ((سوره)) په نامه د قراني توکو نندارتون په دغه برخه کې ګټور وباله.
غړيYou need to subscribe to view the full article. Please login or register a new account.
