هلمند کې ۲۴ طالبانو ته مرګ ژوبله اوښتې

لښکرګاه (پژواک ١١ چنګاښ ٩٦): د هلمند امنيتي مسوولين وايي، په نادعلي کې د هوايي بريد په ترڅ کې ١٥ طالبان وژل شوي او نهه نور ټپيان دي.

د امنيه قومندانۍ وياند دوهم څارن عبدالسلام افغان، پژواک خبري اژانس ته وويل چې دغه بريد نن غرمه په ګروپ شش سيمه کې د بهرنيو ځواکونو له خوا شوى چې ياده مرګ ژوبله په کې اوښتې ده.

ده زياته کړه، دغه راز د وسله والو درې موټر او يوه اندازه وسلې هم له منځه تللې دي.

د هغه په وينا، يادې ډلې غوښتل د لښکرګاه او ناوې ولسوالۍ په مربوطاتو کې د امنيتي ځواکونو پر پوستو بريدونه وکړي، خو د پټو معلوماتو له مخې دوى په نښه او له منځه يې يوړل.

د ګروپ شش سيمې يوه اوسېدونکي پژواک ته وويل چې د ګروپ شش اړوند په زابر سيمه کې نن غرمه بمبار شوى، خو په مرګ ژوبله يې معلومات نه لري.

طالبانو په دې اړه څه نه دي ويلي.

غړي

You need to subscribe to view the full article. Please login or register a new account.