لښکرګاه (پژواک ۱۱ لیندۍ ۹۶): د هلمند چارواکي وايي، په ګرشک ولسوالۍ کې د ماين چاودنې درې ماشومان ټپيان کړي دي.
د ګرشک ولسوال محمد سليم رودي، پژواک خبري اژانس ته وويل چې چاودنه نن ناوخته د حوض خوشک په سیمه کې په هغو ماشومانو شوې چې مالونه يې څرول.
د ده په وينا، د ماشومانو عمرونه د لسو کلونو په شاوخوا کې دي، چې د دوو پښې پرې شوي او درېيم يې هم برسېرن ټپونه لري.
هغه زياته کړه، لومړۍ درملنه يې د ګرشک په روغتون کې شوې او وروسته يې د لښکرګاه ايمرجنسي روغتون ته ولېږل.
د لښکرګاه ايمرجنسي روغتون مسوولين وايي، له ګرشک څخه درې ماشومان په ټپي حالت کې ورته راوړل شوي دي، خو د روغتيايي حالت په يې اړه يې څه ونه ويل.
login or register a new account.
