لښکرګاه کې د موټر بم بريد له امله لسګونو کسانو ته مرګ ژوبله اوښتې ده

<p>دويم تعقيب-لښکرګاه(پژواک،٢٧ليندۍ٩٦): د هلمند په مرکز لښکرګاه کې د موټر بم بريد له امله د پوليسو په ګډون ٢٩ تنه  ټپيان شوي او يو شمير نور وژل شوي دي.</p>

<p>د هلمند په مرکز لښکرګاه کې نن ماښام شاوخوا پنځه نيمې بجې د عامه نظم د پوليسو پر کاروان د موټر بم چاودنه وشوه.</p>

<p>د هلمند د والي وياند عمرځواک د پېښې په تاييد سره  پژواک ته وويل چې  تر اوسه د پوليسو په ګډون٢٩  تنه ټپيان شوي او يو شمير نور وژل شوي دي.<img alt="" src="/wp-content/uploads/old/هلمند بريد(6).jpg" style="float:left;height:156px;width:208px" /></p>

<p>ده وويل چې  وژل شويو کره شميره تراوسه معلومه نه ده خو  په  ټپيانو کې ډيرى يې ملکي وګړي دي.</p>

<p>په لښکرګاه کې د ايمرجنسي روغتون مخې ته عيني شاهدان وايي چې  د مرګ ژوبلې کچه ډېره لوړه ده.</p>

<p>د هغوى په وينا، په دې پېښه کې ښځو او ماشومانو ته هم مرګ ژوبله اوښتې ده.</p>

<p>د دې بريد مسووليت تر اوسه چا په غاړه نه دى اخيستى.</p>

<p>په دې اړه به نور جزئيات وروسته خپاره شي.</p>