کابل (پژواک، ٧ مرغومى ٩٦): له خبريالانو د ملاتړ يوه مرکز د ثبت شوو شمېرو پر بنسټ، په روان کال (٢٠١٧ زېږديز) کې د قتل، وهلو ډبولو، ګواښ او نيولو په ګډون د خبريالانو او رسنيو د کارکوونکو پر وړاندې ١٤١ پېښې ثبت شوې دي.
د نى موسسې (د افغانستان د ازادو رسنيو د ملاتړ اداره) مشر عبدالمجيب خلوتګر، نن په کابل کې د خبري ناستې پر مهال وويل، چې دغه شمېرې د روان زېږديز کال په تېرو دولسو مياشتو کې ثبت شوې دي.
د هغه په وينا، تېر زېږديز کال د ياد بنسټ له لوري د خبريالانو پر وړاندې د تاوتريخوالي ١٢٦ پېښې ثبت شوې دي.
خلوتګر زياته کړه: "د تېر ٢٠١٦ کال شمېرو ته په پام سره سږ کال د رسنيزو کارکوونکو او خبريالانو پر وړاندې د تاوتريخوالي کچه ١٥ سلنه زياته شوې ده."
د نى موسسې مشر څرګنده کړه، چې په روان زېږديز کال کې ١٤ خبريالان او رسنيز کارکوونکي وژل شوي او ٢٣ نور په بېلابېلو پېښو کې ټپيان شوي دي.
د جمهور خبري اژانس خبريال سيد مهدي حسيني وويل، دغه شمېر د خبريالانو پر وړاندې د تاوتريخوالي لوړه کچه په ګوته کوي او دا شمېر د اندېښنې وړ ده.
د هغه په وينا، رسنۍ او خبريالان چارواکو ته د خلکو د غږ رسولو په برخه کې مهم دي، چې حکومت بايد د دوى د امنيت په خونديتوب کې کلک ګامونه پورته کړي.
دا اندېښنې په داسې حال کې مطرح کېږي چې نن په يوه تازه پېښه کې افغان غږ اژانس (اوا) د ځانمرګي بريد موخه ګرځېدلى دى. د يادې ودانۍ په يوه برخه کې چې د تبيان فرهنګي بنسټ دفتر هم موجود و، پر افغانستان د پخواني شوروي اتحاد يرغل (مرغومي د شپږمې نېټې) په اړه په کې څېړنيزه ناسته ترسره کېدله.
امنيتي سرچينې وايي، په ياد بريد کې ٤١ تنه وژل شوي او ٨٩ کسان ټپيان دي.
غړيYou need to subscribe to view the full article. Please login or register a new account.
