لښکرګاه کې يوه ځانمرګي ځان پوليسو ته سپارلى

لښکرګاه(پژواک،٢سلواغه٩٦): د هلمند په مرکز لښکرګاه کې يوه ځانمرګي بريدګر ځان پوليسو ته  سپارلى دى.

د هلمند د امنيې قوماندانۍ وياند عبدالسلام افغان د سلواغې په دويمه پژواک خبري اژانس ته وويل چې  دغه کس طالبانو له نادعلي ولسوالۍ څخه رالېږلى و، ترڅو په لښکرګاه کې ځانمرګى بريد وکړي.

ده وويل چې دغه کس له بريد کولو وړاندې د لومړۍ حوزې په مربوطاتو کې ځان پوليسو ته سپارلى دى.

افغان زياته کړه چې دغه کس اوسمهال په امنيې قوماندانۍ کې دى.

وسله والو طالبانو تر اوسه په دې اړه څه نه دي ويلي.

هلمند د افغانستان تر ټولو نا امنه ولايت دى چې دا مهال يې د شپږو ولسواليو کنټرول له وسله والو طالبانو سره دى.

غړي

You need to subscribe to view the full article. Please login or register a new account.