کابل (پژواک، ۲۴ ورى ۹۷): د بښنې نړيوال سازمان وايي چې تېرکال په افغانستان کې پنځه کسان اعدام شوي او د افغان دولت د هغو هڅو هرکلى کوي چې د اعدام حکم د محدود کولو لپاره يې کوي .
د بښنې نړيوال سازمان په ٢٠١٧کال کې د اعدام په اړه خپل کلنى راپور تېره ورځ خپور کړى او ويلي يې دي چې اعدام بايد بند شي .
په دغه راپور کې راغلي چې ١٤٢هېوادونو په خپلو قوانينو کې اعدام يا لغو کړى او يا يې هم درولى دى، خو د افغانستان په ګډون ٢٣نورو هېوادونو د اعدام کولو لړۍ ته دوام ورکړى .
د بښنې نړيوال سازمان په راپور کې راغلي چې افغانستان په ٢٠١٧ميلادي کال کې پنځه تنه اعدام کړي او په ١١تنو د اعدام حکم شوى دى. دا په داسې حال کې ده چې په ٢٠١٦کال کې شپږ تنه په افغانستان کې اعدام شوي وو.
ياد کسان د انسان تښتونې او قتل په جرم د پلچرخي په زندان کې اعدام شوي دي.
سرچينې ويلي چې په افغانستان کې ٦٠٠تنه نور د اعدام له حکم سره مخ دي .
د بښنې نړوال سازمان هيله ښودلې چې د افغانستان ولسمشر اشرف غني د ١٣٩٦کال د کب په ١٣مه يو نوى کوډ تاييد کړى چې له مخې يې د اعدام حکم اجرا محدوده کيږي .
دغه سازمان په افغانستان کې د يوناما د يوې سرچينې په قول ويلي چې د افغانستان حکومت هڅه کوي يا د اعدام شمېر ترټولو ټيټې کچې ته ورسوي او يا د اعدام حکم له منځه يوسي .
د بښنې د نړوال سازمان د معلوماتو په اساس، تېرکال ترتولو ډېر اعدامونه په چين هېواد کې ترسره شوي، له هغه وروسته ايران، سعودي، عراق او پاکستان هغه هېوادونه دي چې ډېر اعدامونه په کې شوي .
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن