مزارشريف ( پژواک، ۱۰وږی، ۹۸) : بلخ کې سوداګرۍ خونه او عام سوداګر وايي چې د شمال ولايتونو وروستيو نا امنيو او همدا راز په لويو لارو کې د طالبانو فعاليت په حيرتان او اقينې بندرونو کې د سوداګرې راکړې ورکړې کچه څه باندې ۲۰ سلنه راټيټه کړې ده.
دوی زياتوي، چې د مزار – شبرغان؛ مزار – بغلان او مزار – دره صوف پر لويو لارو وسله وال طالبان د سوداګريزو توکو محصول ټولوي او همدا راز يو شمېر تجارتي ټانکرونه له سړکونو څخه ښکته کوي او ځان سره يې بيايي.
د بلخ د سوداګرۍ خونې رييس ارش يونسي د وږي په ۱۰مه، پژواک ته وويل چې د وروستيو نا امنيو له امله په حيرتان او اقينې بندرونو کې د سوداګريزې راکړې ورکړې کچه څه باندې ۲۰ سلنه ټيټه شوې ده.
هغه زياتوي، ياد امنيتي وضعيت د بلخ په ګډون په ټولو شمالي ولايتونو کې د پانګونې پر برخې هم منفي اغېز کړی دی.
يونسي زياتوي، چې طالبان په ښکاره ډول د مزار – شبرغان؛ مزار – بغلان او مزار دره صوف پر لويه لار د سوداګريزو توکو محصول ټولي او همدا راز هره ورځ يو شمېر تجارتي ټانکرونه له سړکونو څخه کښته کوي او له ځان سره يې بيايي.
د نوموړي په خبره، د دې حالت په ليدو سره سوداګر هڅه کوي، چې خپل پېر او پلور راکم کړي او په دې ډول په تجارتي راکړه ورکړه کې کموالی راغلی دی.
د بلخ د سوداګرۍ خونې رييس وايي، د سوداګريزو چارو پر وړاندې شته ستونزې يې د حکومتي مسوولينو تر غوږونو هم رسولي؛ خو په خبره يې چې تر اوسه يې د حل لپاره هېڅ ډول ګامونه نه دي پورته شوي.
سوداګر محمد ابراهيم غضنفر چې د بلخ سوداګرۍ خونې د مديره پلاوي په ټاکنو کې يې برخه اخيستې، پژواک ته وويل چې د نا امنيو په زياتېدو سره په بازارونو کې د توکو نرخونه هم لوړ شوي دي.
نوموړی يې دليل د لويو لارو له امله د وارداتو په کچه کې کموالی په ګوته کوي.
هغه وويل: (( کله چې په لويو لارو طالبان له موټرو څخه محصول اخلي، ښکاره خبره ده چې واردات کمېږي او د وارداتو کمېدو سره هم مهاله په بازار کې د توکو نرخونه لوړېږي؛ ځکه چې زموږ ډېری اړتياوې په وارداتو پوره کېږي.))
غضنفر زياته کړه چې وروستيو نا امنيو سوداګر اندېښمن کړي او په خبره يې چې د ياد وضعيت ډېر زيان عامو خلکو ته رسېږي.
په ورته مهال د بلخ يو بل سوداګر بختيار بخت پژواک ته وويل، چې د لويو لارو په اوږدو کې له حکومت پرته د نورو ډلو له خوا محصول ټولول پر سوداګريزو چارو ډېره ناوړه اغېزه کوي.
هغه زياتوي، په دغسې وضعيت کې سوداګر مجبور دي دوه ځايه د خپلو توکو ګمرک او ماليه ورکړي.
د بختيار په خبره، حکومت بايد د دې ستونزې د حل برخه کې جدي پاملرنه وکړي.
بلخ کې سوداګر وايي چې وسله وال طالبان د مزار – شبرغان پر لويه لار له هر سوداګريز موټر څخه له ۲۰ تر ۳۵ زره افغانيو پورې محصول اخلي.
غړيYou need to subscribe to view the full article. Please login or register a new account.
