مزارشريف (پژواک، ۳۰ليندۍ ۹۸): د بلخ پخوانی والي او د جمعيت ګوند اجرايي رييس عطامحمد نور له ټاکنو کمېسيون څخه وغوښتل، چې له ځنډ پرته دې پايلې اعلان کړي.
نوموړي د ليندۍ په ۳۰مه، مزارشريف ښار کې د عبدالقادر ذبيح الله د ۳۵ تلين په وياړ جوړه شوې غونډه کې همدا راز پر طالبانو هم غږ وکړ، چې اوربند دې وکړي.
عطامحمد نور غونډې ته وويل، چې د افغانستان خلک د سختو امنيتي ستونزو با وجود د رايې ورکولو تر صندوقونو ولاړل او ټاکنو کې يې برخه واخيستله.
د هغه په خبره، اوس بايد ټاکنو کمېسيون د انتخاباتو پايلې څنګه چې دي اعلان کړي او که هر چا نيوکه درلوده؛ نو د شکاياتو کمېسيون ته دې مراجعه وکړي.
هغه له نړيوالې ټولنې څخه هم وغوښتل، چې د افغانستان د ټاکنو خپلواک کمېسيون له پرېکړو څخه دې ملاتړ وکړي.
نور له سياسي ګوندونو او انتخاباتي ډلو څخه هم غوښتنه وکړه، چې د بحران ايجادولو په لټه کې دې نه وي، ځکه په خبره يې چې ټول زيان يې عامو خلکو ته رسېږي.
د جمعيت ګوند اجرايي رييس ټاکنو کمېسيون ته د کمېشنرانو د انتخابولو پروسه شفافه او ټولو اړخونو په موافقه وبلله او زياته يې کړه، چې اوس دې يو شمېر انتخاباتي ټکټونه د خپلو شخصي ګټو په خاطر دغه پروسه نه زيانمنوي.
عطامحمدنور د سولې په تړاو روانې خبرې هم د قناعت وړ نه بولي او په دې برخه کې د حکومت، سياسي ډلو او مدنی ټولنو تر منځ د يوې اجماع جوړولو وړانديز کوي.
هغه وايي، چې د سولې اړوند پاشلې هڅې پايلې نه شي ورکولی.
نوموړي له طالبانو هم وغوښتل، چې د فاتحانو په څېر راتلو په اړه دې فکر نه کوي، بلکې د روان جنګ د پای ته رسېدو لپاره دې خپل نيت وښيي.
د نور په خبره، که طالبان رښتيا هم سولې ته ژمن وي؛ نو بايد په لومړي قدم کې يوه سراسري اوربند ته غاړه کېږدي.
د بلخ پخوانی والي زياتوي، چې بهرنيان له افغانستانه د وتلو نيت نه لري او په وينا يې چې افغانان بايد خپل منځ کې سره کېني او روانه جګړه ختمه کړي.
د جمعيت ګوند دغه مهم غړي په مزارشريف ښار کې د نظام الدين قيصاري پر کور د تېرې اوونۍ عملياتو ته په اشارې وويل، چې امنيتي ځواکونه مسووليت لري؛ څو خپلسريو او قانون ماتوونکو پر ضد اقدامات وکړي.
د هغه په وينا، هېڅ ډول جرمي او سياسي پېښو ته بايد قومي رنګ ور نه کړل شي.
غړيYou need to subscribe to view the full article. Please login or register a new account.
