کابل (پژواک، ١٩ لړم ٩٩) : وسله والو طالبانو د امريکا له نوي منتخب ولسمشر جو بايډن څخه غوښتي چې په افغانستان کې د جګړې د پاى ته رسولو لپاره د دوحې تړون باندې عمل وکړي.
جو بايډن د امريکا په ولسمشريزو ټاکنو کې اوسني ولسمشر ډونالډ ټرمپ ته ماتې ورکړه او ټاکل شوې ده، چې د ٢٠٢١ زيږديز کال د جنورۍ په ٢٠مه، د لوړې مراسم ترسره کړي.
د ټرمپ د واکمنۍ پر مهال امريکا له طالبانو سره د دوحې تړون لاسليک کړى و.
وسله والو طالبانو په کومه رسمي اعلاميه کې د امريکا د نوي ولسمشر په اړه کوم غبرګون نه دى ښودلى، خو په قطر کې د طالبانو د سياسي دفتر وياند ډاکتر محد نعيم امريکا غږ ته ويلي، چې د دوحې تړون د افغانستان او قطر دواړو په ګټه دى.
هغه زياته کړې چې ددې تړون پر ټولو مواردو بايد عمل وشي، چې دواړو لوريو پرې موافقه کړې وه.
د يادونې ده، چې د ١٣٩٨ لمريز کال د کب په ١٠مه، په دوحه کې د امريکا او طالبانو ترمنځ تړون لاسليک شوى و، چې له مخې يې امريکا له افغانستان څخه خپل ځواکونه اوباسي.
ډاکتر نعيم هيله څرګنده کړې چې د امريکا نوى حکومت هم د دوحې تړون ته په درناوي پر پرېکړو يې عمل وکړي او دې لړۍ ته ادامه ورکړي.
ولسمشر اشرف غني د امريکا نوي ولسمشر ته د مبارکۍ ورکولو ترڅنګ هيله څرګنده کړه، چې د دواړو هېوادونو ستراتېژۍ ته ادامه وکړي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن