خوست ښار (پژواک، ٤ ليندۍ ٩٩) : د خوست ولايت په اداري کمپلېکس کې د چاودنې له امله پنځه کسان ټپيان شوي دي.
دغه چادونه نن غرمه شاوخوا دوولس بجې د اداري کمپلېکس د موټرو په تم ځای کې شوې ده.
ددغه ولايت يوې امنيتي سرچينې د نوم نه اخيستو په شرط پژواک اژانس ته وويل، دغه چاودنه د ولايت يو تن مشاور عبدالنصير حقمل په موټر پسې د نښلول شوي مقناطيسي ماين له امله شوې.
د سرچينې په وينا، چادونه کې خپله عبدالنصير حقمل ته زيان نه دی رسېدلی، خو د هغه د ساتونکو په ګډون پنځه کسان ټپيان شوي دي. ولايت مقام په دې اړه تراوسه څه نه دي ويلي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن