کابل (پژواک، د غویي لومړۍ نیټه ۱۴۰۰) : د ترکیې د بهرنیو چارو وزارت اعلان کړی دی چې د افغانستان سولې په تړاو د استانبول کنفرانس تر کوچني اختر وروسته پورې ځنډیدلی دی.
ټاکل شوې وه، چې دا کنفرانس د اپریل په ۲۴مه، پیل او لس ورځې دوام وکړي.
د ترکیې د بهرنیو چارو وزارت تیره شپه ناوخته د بهرنیو چارو د وزیر چاویش اوغلو له خولې پخپل ټویټر پاڼه کې لیکلي : (( له امریکا، قطر او ملګرو ملتونو سره تر مشورو وروسته مو پریکړه وکړه، چې د استانبول ناسته د کوچني اختر وروسته پورې وځنډول شي.))
دغه کنفرانس د امریکا د بهرنیو وزیر انتوني بلینکن تیره میاشت ولسمشر اشرف غني ته په یوه استول شوي لیک کې وړاندیز کړی و.
هغه ویلي وو، چې دا ناسته به د ملګرو ملتونو تر سرپرستۍ لاندې ترسره کیږي.
افغان حکومت او یو شمیر هیوادونو په دې کنفرانس کې د ګډون پریکړه کړې وه، خو وسله والو طالبانو وروسته له هغه په دې کنفرانس کې د نه ګډون اعلان وکړ، چې دامریکا ولسمشر جو بایدڼ له افغانستان څخه د خپلو سرتیرو د ویستلو پروسه د پنځو میاشتو لپاره وځنډوله.
د امریکا او طالبانو ترمنځ د دوحې د تړون له مخې، ټاکل شوې وه، چې له افغانستان څخه ټول امریکایي سرتیري د ۲۰۲۱ زیږدیز کال د می تر میاشتې پورې ووځي، خو امریکا او ناټو اعلان وکړ، چې دا پروسه به د روان کال تر سپتمبر میاشتې پورې پای ته ورسوي.
د افغانستان د ملي روغې جوړې شورا د جمهوریت لوري له ۳۱ طرحو څخه یوه طرحه جوړه او ددې شورا مشرتابه شورا ته وړاندې کړې، خو تراوسه هغوی پرې پریکړه نه ده کړې.
د یادونې وړ ده، چې پژواک اژانس دوه ورخې مخکې د سرچینو په حواله خبر ورکړی و، چې د ترکیې ناسته ښایي ترسره نه شي. You need to subscribe to view the full article. Please login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن