منځپانګې ته تلل
دوشنبه ۱۶ نومبر ۲۰۲۶ · کابل ۹:۲۲ غ.و
۵° — په ټولو ولایتونو کې هوا
صاف · ↑۱۴° ↓۰°
د هوا کیفیت: منځنی

د پاکستان په کراچۍ کې د ګازډبې چاودنه؛ لس کسان وژل شوي او ۱۴ نور ټپیان دي

· ۱ دقیقه لوستل · ۱۷۶ کتنې

کابل (پژواک، ۳۰ سلواغه ۱۴۰۴): د پاکستان د کراچۍ ښار په سولجر بازار سیمه کې د ګازډبې چاودنې لس کسان وژلي او ۱۴ نور یې ټپیان کړي دي.

د پاکستان اج ټلوېزیون د راپور له مخې، دغه چاودنه تېره شپه د کراچۍ ښار په سولجر بازار سیمه کې په یوه درې پوړیزه استوګنیزه ودانۍ کې شوې ده.

سرچینې لیکلي، چاودنه د ودانې په لومړي پوړ کې شوې او دومره قوي وه چې له امله یې د ودانۍ لویه برخه نړېدلې او ګن شمېر کسان ترې لاندې شوي دي.

په راپور کې راغلي، تر اوسه له یادې ودانې د لسو کسانو مړي را ایستل شوي او ۱۴ کسان ټپیان دي.

چارواکو ویلي، د ژغورنې عملیات روان دي او ښايي ځیني کسان لا هم په ودانۍ کې بند پاتې وي.