<p style="text-align: justify;">کابل (پژواک، ۳۰ سلواغه ۱۴۰۴): د راپورونو له مخې، د نایجریان د پلاتو ایالت په کاني سیمه کې د ګازنیونې له امله لږ تر لږه ۳۷ کانکيندونکي مړه او ۲۵ نور روغتون ته لېږدول شوي دي.</p>
<p style="text-align: justify;">رویټرز راپور ورکړی چې دا پېښه پرون سهار د واسه ولسوالۍ اړوند د «کمپاني» سیمې په یوه کاني کنده کې شوې ده.</p>
<p style="text-align: justify;">د نایجریا د جامدو کانیزو توکو د پراختیا وزیر ډِله آلاکه ویلي، دغه د سربو یوه مخکنی کان و چې پکې زېرمه شوي کانیز مواد د زهري ګازونو خوشي کېدو وړتیا لري. د ده په وینا، د سیمې اوسېدونکي د زهري ګازونو له خطره ناخبره تونل ته ننوتي او د کانکيندنې پر مهال یې ګاز تنفس کړی دی.</p>
<p style="text-align: justify;">په راپور کې راغلي چې په دې پېښه کې ۳۷ کسانو ژوند له لاسه ورکړی او ۲۵ نور روغتون ته لېږدول شوي، خو ښايي د مړو شمېر تر دې هم زیات وي.</p>
<p style="text-align: justify;">د نایجریا فدرالي حکومت امر کړی چې د څېړنو تر بشپړېدو پورې په اغېزمنه سیمه کې ټولې کانیزې چارې ودرول شي.</p>
