کابل (پژواک، ۱۴ غبرګولی ۱۴۰۰) : پاکستانیو پولیسو د پښتون ژغورنې غورځنګ مشر منظور پښتین او څو نور غړي یې چې نن سهار نیولي وو، بېرته خوشي شوي کړي دي.
پښتین او ملګري یې د جمعې په ورځ سهار د پښتونخوا کواټ کې پولیسو هغه مهال ونیول، چې په یوه پرلت کې د ګډون لپاره بنو ته روان وو.
د منظور پښتین د نیول کېدو د لامل په هکله پولیسو څه نه دي ویلي، خو هغه مهال د منظور پښتین رسمي فیسبوکپاڼه کې دا نوموړي نیول غندل شوي او د خوشي کېدو غوښتنه یې شوې وه.
اوس دغه فیسبوکپاڼه کې د نوموړي او د ملګرو خوشي کېدل تایید شوي دي:
سرچینې ویلي : “د پښتون ژغورنې غورځنګ مشر منظور احمد پښتين او زموږ نور ملګري ادريس پښتين ، بلال پښتون او زوهيب پښتين د کوهاټ پوليس لخوا را خوشي کړل شوي دي .زموږ مبارزه به دوام داره وي ”
د پښتون ژغورنې غورځنګ غړو هم خواله رسنیو کې د نوموړي د خوشي کېدو خبره کړې ده.
منظور پښتین هم د جون پر دویمه یوه ویډیو پیغام کې د جاني خېل او همزوني پر وژونو خواشیني ښودلې او ویلي چې د دغه غورځنګ غړي دې پرلتونو کې له خلکو سره دي او ملاتړ به یې کوي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن