کابل (پژواک، ۲ وری ۱۴۰۱) : د کوزې پښتونخوا مرکز پېښور ښار ته څېرمه د پاکستان یوه پوځي الوتکه لوېدلې او دوه پیلوټان یې په کې وژل شوي دي.
د پاکستان هوایي ځواک له خوا په خپره شوې خبرپاڼه کې راغلي چې دغه روزنیزه نظامي الوتکه یې د تمریناتو پر مهال د تخنیکي ستونزې له امله پېښور ښار ته نږدې غورځېدلې ده.
په خبرپاڼه کې راغلي چې په دې پېښه کې یوازې د الوتکې دوه پیلوټان وژل شوي دي.
سرچینې زیاته کړې، تر اوسه یې داسې راپور نه دی ترلاسه کړی چې په دې پېښه کې نورو خلکو ته مالي او یا هم ځاني زیان اوښتی وی.
د پاکستان هوایي ځواک وایي چې د پېښې په اړه یې پلټنې پیل کړې دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن