د ایران بندرعباس کې د ګاز چاودنه؛ یو کس وژل شوی او ۱۴ نور ټپیان دي

<p style="text-align: justify;">کابل (پژواک، ۱۲ دلو ۱۴۰۴): د راپورونو له مخې، د ایران په بندرعباس ښار کې د استوګنې په یوه کور کې د ګاز چاودنې له امله یوه ماشوم ژوند له لاسه ورکړی او ۱۴ نور کسان ټپیان شوي دي.</p>

<p style="text-align: justify;">د ایران دولتي خبري اژانس «ایرنا» راپور ورکړی چې دغه چاودنه پرون ماسپښین په یوه استوګنیز کور کې شوې ده.</p>

<p style="text-align: justify;">د بندرعباس د اوروژنې ادارې مشر محمدامین لیاقت ویلي چې دغه پېښه د ماسپښین شاوخوا دوه بجې د بهارستان ۱۶مه کوڅه کې شوې ده.</p>

<p style="text-align: justify;">د هغه په خبره، ټول ټپیان له ودانۍ راایستل شوي او د درملنې لپاره روغتیايي مرکزونو ته لېږدول شوي دي.</p>

<p style="text-align: justify;">هغه زیاته کړې چې د لومړنیو څېړنو له مخې، د دې پېښې لامل د ګاز خپرېدل ښودل شوي دي.</p>

<p style="text-align: justify;">په راپور کې راغلي چې په دې چاودنه کې یوه څلورکلنه نجلۍ وژل شوې او ۱۴ نور کسان ټپیان شوي دي.</p>