صنعتګرو د خپلو ستونزو د حل غوښتنه وکړه

کابل (پژواک، ۲۷ وږی ۱۴۰۱): د کابل ښار صنعتګرو د یوې غونډې په ترڅ کې د برېښنا او دایمي ځای له نشتوالي شکایت وکړ او له سرپرست حکومته یې وغوښتل چې د ستونزو د حل لپاره یې اقدام وکړي.

د افغانستان د صنعتګرو ټولنې رییس عبدالجبار صافي نن په کابل کې يوې غونډې ته وويل، د کافي برېښنا نشتوالي له امله د ۴۰ سلنه فابريکو کارونه ټکني شوي دي.

هغه زیاته کړه: «د صنعتکارانو لپاره ۱۲ ساعته برېښنا بسنه نه کوي؛ د صنعتکارانو برېښنا باید له ۱۲ ساعتونو زیاته شي.»

سرچينې په هېواد کې تولیدېدونکو ‎توکو ته د ورته توکو واردېدل د صنعتګرو لپاره بله ستونزه وبلله او له سرپرست حکومته غواړي د وارداتو مخه یې ونيسي او پر ‎خلکو يې غږ وکړ چې له کورنيو توليداتو ګټه واخلي.

login or register a new account.