کابل (پژواک، ۳ لېندۍ ۱۴۰۱): د ازبکستان د بهرنیو چارو وزارت اعلان کړی چې افغانستان ته یې له اړمنو سره د مرستې لپاره ۱۷۰ ټنه توکي استولي دي.
دغه وزارت تېره ورځ (جمعه) د یوې خبرپاڼې په خپرولو سره لیکلي چې د ازبکستان حکومت افغانستان ته ۱۷۰ ټنه بشري مرسته چې اوړه، غنم، وریجې، غوړي، کنسرو، جامې او بوټان په کې شامل دي، استولې ده.
د یادې خبرپاڼې له مخې، دغه مرستې د ځمکې له لارې د بلخ ولايت حيرتان بندر ته ولېږدول شوې او د افغانستان په چارو کې د ازبکستان د ولسمشر ځانګړي استازي عصمتالله ارګاشف له خوا د افغان حکومت چارواکو ته وسپارل شوې.
دا په داسې حال کې ده چې له دې مخکې هم ازبکستان، افغانستان ته بشري مرستې استولې وې.
login or register a new account.
