چین کې افغان سفیر له چیني چارواکو په دغه هېواد کې د افغان بندیانو د ستونزو هواري غوښتنه کړې

<p style="text-align: justify;">کابل (پژواک، ۲۸ مرغومی ۱۴۰۱): په چین کې د افغانستان سفارت سرپرست د دغه هېواد د ګانسو ولایت په لانجو زندان کې له افغان بندیانو سره لیدلي او له اړوند چینایي چارواکو یې غوښتي چې هلته د افغان زندانیانو ستونزې حل کړي.</p>

<p style="text-align: justify;">په چین کي د افغانستان سفارت پر خپله ټوېټرپاڼه لیکلي چې په دغه هېواد کې د افغان سفارت سرپرست  سید محی‌الدین سادات تېره ورځ په یاد زندان کې له افغان بندیانو سره ولیدل.</p>

<p style="text-align: justify;">سرچینه لیکي چې د سفارت سرپرست د بندیانو ستونزې واورېدې او د حل ډاډ یې ورکړ.</p>

<p style="text-align: justify;">خبرپاڼه کې راغلي، له بندیانو سره تر لیدلو وروسته د سفارت سرپرست د چین ګانسو ولایت بهرنیو اړیکو او د یاد زندان له چارواکو سره د بندیانو ستونزو او د سفارت اندېښنې شریکې کړې او د حل غوښتنه یې ترې وکړه.</p>

<p style="text-align: justify;">په چین کې د افغانستان سفارت لیکلي، د زندان چارواکو یادونه وکړه چې دوی د بندیانو ستونزو ته متوجه دي او د امکان تر بریده به ورته رسېدنه وکړي.</p>

<p style="text-align: justify;">په خبرپاڼه کې نه دي ویل شوي چې په چین کې څومره افغانان بندیان دي او څه ستونزې لري.</p>