ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

لوګر کې د پاسپورټونو وېشلو لړۍ پيل شوه

لوګر کې د پاسپورټونو وېشلو لړۍ پيل شوه

author avatar
1 Mar 2023 - 16:42
لوګر کې د پاسپورټونو وېشلو لړۍ پيل شوه
author avatar
1 Mar 2023 - 16:42

پل‌علم (پژواک، ۱۰ کب ۱۴۰۱): د لوګر امنیې قوماندانۍ چارواکي وایي، د پاسپورټونو د وېش برخه کې ټولې تخنیکي ستونزې هوارې شوې او هېوادوال کولای شي په انلاین بڼه د پاسپورټ اخيستلو لپاره د پاسپورټ امریت ته مراجعه وکړي.

د دغه ولایت امنیې قوماندان مولوي محمدالدین شاه محبت په مرکز پل‌علم کې په دې تړاو جوړې شوې خبري ناستې ته وویل، د پاسپورټونو وېش برخه کې ستونزې حل شوې او سر له ننه به په دغه ولایت کې په منظمه توګه د اړتیا له مخې پاسپورټونه ووېشل شي.

هغه زیاته کړه، پاسپورټونه د انلاین نوم‌لیکنې له مخې ورکول کېږي، د پاسپورټ غوښتونکي دې په نوبت د دغه ولایت امنیې قوماندانۍ ته مراجعه وکړي.

د دغه ولایت د پاسپورټ امریت امر زیت‌الله سعید هم وویل چې په لوګر کې نن (د کب ۱۰مه) د پاسپورټونو وېش لړۍ پيل شوه چې هره ورځ به ۸۵ کسانو ته د انلاین نوم‌لیکنې له مخې پاسپورټونه ووېشل شي.

هغه وایي، د اسلامي امارت له واکمنېدو بیا تر اوسه په دغه ولایت کې ۸ زره کسانو ته پاسپورټونه وېشل شوي او له دغه درکه ۴۰ میلیون افغانۍ عواید ترلاسه شوي دي.

د محمداغې ولسوالۍ یوه ۵۰ کلن ناروغ رحمت‌الله پژواک خبري اژانس ته وویل، خوښ دی چې د پاسپورټ د وېش لړۍ بیا ځلې پیل شوه.

هغه زیاتوي، له تېرو شپږو میاشتو راهیسې هڅه کوي پاسپورټ ترلاسه کړي، خو له پرله‌پسې هڅو سره سره بیا هم د پاسپورټ په ترلاسه کولو بریالی شوی نه دی.

د مرکز پل‌علم اوسېدونکی محمداجمل وايي، دی هم غواړي چې پاسپورټ ترلاسه کړي او د کار کولو لپاره له هېواده بهر ولاړ شي.

نوموړي د پاسپورټ له امریته وغوښتل چې د پاسپورټ په وېش کې له شفافیته کار واخلي او د ناروغانو او مېرمنو لپاره ځانګړې اسانتیا رامنځته کړي.

باید وویل شي، له څو میاشتې ځنډ وروسته نن د پلازمېنې کابل په ګډون د هېواد په ټولو ولایتونو کې د پاسپورټونو د وېش بهیر پیل شوی دی.

Views: 202

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.