ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

پنجشېر کې د داوطلبۍ له لارې د ۱۳۱ زره امریکایي ډالرو په ارزښت زمرد وپلورل شول

پنجشېر کې د داوطلبۍ له لارې د ۱۳۱ زره امریکایي ډالرو په ارزښت زمرد وپلورل شول

author avatar
24 Sep 2023 - 17:20
پنجشېر کې د داوطلبۍ له لارې د ۱۳۱ زره امریکایي ډالرو په ارزښت زمرد وپلورل شول
author avatar
24 Sep 2023 - 17:20

کابل (پژواک، ۲ تله ۱۴۰۲): ځایي سرچینې وایي، پنجشېر ولایت کې څه باندې ۱۰۲۴ قیراطه زمرد د داوطلبۍ له لارې په څه باندې ۱۳۱ زره امریکایي ډالرو وپلورل شول.

د پنجشېر د کانونو رییس عبدالقاسم امیري نن په دې اړه د داوطلبۍ په جوړه شوې ناسته کې وویل چې یاد زمرد د دغه ولایت په لومړۍ حصې ولسوالۍ کې له پنځو کانونو استخراج شوي او داوطلبي د سیمه‌ییزو چارواکو په شتون کې ترسره شوه.

هغه وویل چې په دې داوطلبۍ کې د پروان، کاپیسا، کابل، لوګر، پنجشېر او ځینو نورو ولایتونو سوداګرو برخه اخیستې وه.

د کانونو وزارت معلوماتو له مخې، د یادې داوطلبۍ له لارې ۱۰۲۴.۹۵ قیراطه زمرد په ۱۳۱۴۰۰ امریکایي ډالرو وپلورل شول.

دا په داسې حال کې ده چې د اسلامي امارت په واکمنېدو سره د کانونو د استخراج کار په ټپه ولاړ و خو د یاد ولایت د کانونو ریاست د روان کال د زمري په لسمه د یوې غونډې په ترڅ کې رسماً د کانونو فعالیت پیل او د هغو استخراج یې بېرته داوطلبانو ته ورکړ.

د یادونې ده، پنجشېر کې د زمرد کانونو استخراج له شاوخوا دوو کلونو درېدو وروسته د روان کال د زمري په ۲۴مه بیا پیل شو او له هغه وروسته دا دویم ځل دی چې استخراج شوي زمرد د داوطلبۍ له لارې پلورل کېږي.

د مسوولینو معلوماتو له مخې، اوسمهال پنجشېر کې د زمرد ۷۰۰ کانونه شته چې له دې ډلې ۵۰۰ یې فعال او پاتې نور یې غیرفعال دي او ډېری دغه کانونه د یاد ولایت په حصه اول ولسوالۍ کې موقعیت لري.

د پنجشېر زمرد چې روښانه زرغون رنګ لري، له نړۍ‌وال شهرت څخه برخمن دي او نړۍ کې یو له قیمتي او ارزښتناکو منرالونو شمېرل کېږي.

Views: 968

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.