ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

امریکا او بریتانیا کې لاریونونه؛ ګډونوالو یې په غزه کې د اوربند غوښتنه وکړه

امریکا او بریتانیا کې لاریونونه؛ ګډونوالو یې په غزه کې د اوربند غوښتنه وکړه

author avatar
5 Nov 2023 - 13:23
امریکا او بریتانیا کې لاریونونه؛ ګډونوالو یې په غزه کې د اوربند غوښتنه وکړه
author avatar
5 Nov 2023 - 13:23

کابل (پژواک، ۱۴ لړم ۱۴۰۲): د راپورونو له مخې، بریتانیا او متحده ایالتونو کې زرګونه کسانو د لاریونونو له لارې په غزه کې د اوربند غوښتنه وکړه.

الجزیرې نن (یکشنبه) راپور ورکړی، لاریون‌کوونکو د امریکا په پلازمېنه واشنګټن کې د دغه هېواد ولسمشر جوبایډن، د فلسطینیانو پر وړاندې د «نسل‌وژنې» پر هڅونه تورن کړ.

لاریون‌کوونکو شعارونه ورکول چې «بایډن، بایډن، ته یې نه شې پټولی، موږ تا پر نسل‌وژنې تورنوو.»

له بلې خوا، د فلسطینیانو حقونو په کمپاین کې د متحده ایالتونو د دفاع مدیر، ایمان ابید تامپسون سي‌اېن‌اېن ته ویلي: «لاریونونه ښيي چې د فلسطینیانو د یووالي غورځنګ ملاتړ څومره ډېر شوی او خلک رښتیا هم بدلون غواړي.»

ورته مهال، په لندن کې هم زرګونه کسانو «موږ ټول فلسطینیان یو» د شعارونو په ورکولو اعتراض وکړ.

د یادونې ده، د اناتولي خبري اژانس له مخې، له څه باندې درې اونۍ تېرېدو سره د اسرائیل او حماس ترمنځ د شخړو له پيلېدو وروسته نږدې نهه زره او ۴۸۸ کسان وژل شوي چې درې زره او ۹۰۰ ماشومان او دوه زره او ۵۰۰ ښځې دي.

Views: 29

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.