ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

کابل ښار کې سل جریب غصب شوې ځمکه راوګرځول شوه

کابل ښار کې سل جریب غصب شوې ځمکه راوګرځول شوه

author avatar
28 Mar 2024 - 11:08
کابل ښار کې سل جریب غصب شوې ځمکه راوګرځول شوه
author avatar
28 Mar 2024 - 11:08

کابل (پژواک، ۹ وری ۱۴۰۳): د عدليې وزارت وايي، د ځمکو د غصب مخنیوي کمېسیون د کابل ښار اتمي حوزې اړوند میرویس ښارګوټي کې څه باندې ۱۰۰ جریب امارتي (سلطاني) ځمکه استرداد کړه.

د عدليې وزارت خبرپاڼه کې راغلي چې دغه ځمکه د ځمکو د غصب مخنیوي او د غصب شوو ځمکو استرداد کمېسیون د امارتي (سلطاني)، عامه مرعي او وقفي غصب شوو ځمکو قضایاوو ته د رسېدنې اختصاصي محکمې د پرېکړې پر اساس راګرځولې ده.

سرچينه زياتوي: «یاد کمېسیون د میرویس ښارګوټي موضوع بررسي کړې وه او د شرعي او قانوني پرېکړې په موخه یې د امارتي غصب شوو ځمکو قضایاوو ته د رسېدنې اختصاصي محکمې ته سپارلې وه؛ یادې محکمې د موضوع له بررسۍ وروسته د ۱۴۴۵ کال د جمادي‌الثاني میاشتې په ۱۲مه د یوې پرېکړې په ترڅ کې د یاد ښارګوټي ۴۰۰ جریبه ځمکه د سندونو او شخصي قبالو پر اساس شخصي او پاتې یې امارتي وبلله.»

د سرچينې معلوماتو له مخې، د ځمکو د غصب مخنیوي کمېسیون په ساحه کې خطونه واچول شول او شخصي ځمکې یې له امارتي ځمکو تفکیک او په ساحه کې یې موجوده امارتي ځمکه استرداد کړه.

Views: 66

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.