ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

پکتیا کې د فوټبال غوره لیک سیالۍ پيل شوې

پکتیا کې د فوټبال غوره لیک سیالۍ پيل شوې

author avatar
4 May 2024 - 14:40
پکتیا کې د فوټبال غوره لیک سیالۍ پيل شوې
author avatar
4 May 2024 - 14:40

ګردېز (پژواک، ۱۵ غويی ۱۴۰۳): د پکتيا د فوټبال فدراسیون مسوولين وايي چې د دغه ولایت په مرکز ګردېز کې د لسو لوبډلو ترمنځ د فوټبال غوره ليګ سيالۍ پيل شوې.

د پکتيا د فوټبال فدراسیون مسوول خالد ثاقب پژواک خبري اژانس ته وويل چې يادې لوبې پرون مازدیګر د لسو لوبډلو ترمنځ پيل شوې.

هغه زیاته کړه، که هرې لوبډلې چې د دې سیالیو اتلولي خپله کړه، هغه به د زون په کچه د سیالیو لپاره وټاکل شي.

د نوموړي په خبره، يادې سیالۍ به چې لومړۍ لوبه یې د پيمان او اتحاد لوبډلو ترمنځ ترسره شوه، یوه میاشت دوام وکړي.

ثاقب وايي، په لومړۍ لوبه کې اتحاد، پیمان لوبډلې ته درې پر صفر ماته ورکړه.

ورته مهال، د یادو سیالیو یوه لوبغاړي یوسف پژواک ته وویل چې دا ډول سیالۍ د لوبغاړو لپاره ډېرې مهمې دي؛ ځکه نوې تجربې او مهارتونه ترلاسه کوي.

هغه له اړوندو مسوولینو غوښتنه وکړه چې په دغه ولایت کې د فوټبال لوبغاړو لپاره اړین امکانات برابر کړي.

 

Views: 4

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.