د مرکزي اسیا والیبال سیالۍ؛ افغان لوبډله نن له قرغیزستان سره لوبه کوي

<p style="text-align: justify;">کابل (پژواک، ۲ لړم ۱۴۰۳): د افغانستان د والیبال ملي لوبډله د مرکزي اسیا سیالیو په لړ کې نن خپله پنځمه لوبه له قرغیزستان سره کوي.</p>

<p style="text-align: justify;">د افغانستان د والیبال فدراسیون د معلوماتو له مخې، د هېواد د والیبال ملي لوبډله به د مرکزي اسیا سیالیو په لړ کې نن له غرمې مخکې خپله پنځمه لوبه له قرغیزستان سره ترسره کړي.</p>

<p style="text-align: justify;">دغه سیالي به نن له غرمې مخکې د افغانستان په وخت په یوولس بجو د ازبکستان په پلازمېنه تاشکند کې ترسره شي.</p>

<p style="text-align: justify;">د یادونې ده، د افغانستان د والیبال ملي لوبډلې په دغو سیالیو کې له دې مخکې څلور لوبې ترسره کړې دي چې مالدیف ته یې ماتې ورکړې، ترکمنستان، ازبکستان او تاجکستان ته یې بیا لوبې بایللې دي.</p>