کابل (پژواک، ۱۸ زمری ۱۴۰۳): د اطلاعاتو او فرهنګ وزارت سرپرست د افغانستان لپاره د بریتانیا سفارت له شارژدافیر سره په افغانستان کې د سیاسي او اقتصادي وضعیت او نشهيي توکو سره د مبارزې په تړاو غږېدلی دی.
د اطلاعاتو او فرهنګ وزارت نن (پنجشنبه، د زمري ۱۸مه) د یوې خبرپاڼې په خپرولو سره د افغانستان لپاره د بریتانیا سفارت له شارژدافیر رابرټ ډیکسن سره د دغه وزارت د سرپرست خیرالله خیرخواه د لیدنې خبر ورکړی دی.
په خبرپاڼه کې راغلي چې په دې لیدنه کې په هېواد کې د سیاسي او اقتصادي وضعیت، بشري مرستو، له اداري فساد او نشهیي توکو سره د مبارزې په اړه خبرې شوې دي.
سرچینې لیکلي: «دواړو لورو په هېواد کې اوسنی وضعیت د تعامل، خبرو اترو، پراختیا او د اړیکو پیاوړتیا لپاره یو فرصت بللی او زیاته کړې یې ده چې یو باثباته او پر مختللی افغانستان د سیمې او نړۍ په ګټه دی.»
دا په داسې حال کې ده چې د اسلامي امارت چارواکو له دې مخکې له ټولو هېوادونو سره د ښو اړیکو غوښتنه کړې او ټینګار یې کړی چې د افغانستان خاوره به د هېچا پر وړاندې ونه کارول شي.
غړيYou need to subscribe to view the full article. Please login or register a new account.
