بدخشان کې له سلګونو اړمنو کورنیو سره مرستې وشوې

فیض‌اباد (پژواک، ۵ سلواغه ۱۴۰۳): بدخشان کې سیمه‌ییزې سرچینې ۸۲۳ اړمنو او زیانمنو کورنیو ته د نغدو پیسو او کمپلو د وېش خبر ورکوي.

بدخشان کې د له طبیعي پېښو زره د مبارزې د چمتووالي ادارې رییس مولوي محمداکرم اکبري پژواک خبري اژانس ته وویل چې دغه ریاست د «کنسرن» موسسې په مالي همکارۍ د دغه ولایت د تشکان ولسوالۍ په ۱۸ کلیو کې له طبیعي پېښو ۸۲۳ زیانمونو او بېرته راستنو شوو کورنیو ته ۱۵ میلیونه ۹۹۰ زره و ۸۹۰ افغانۍ وېشلې دي.

هغه زیاته کړه چې هرې کورنۍ ته ۱۹۴۳۰ افغانۍ او درې تختې کمپلې وېشل شوې دي.