کابل (پژواک، ۳۰ کب ۱۴۰۳): د افغانستان فوټبال ملي لوبډله د اسیا ملتونو جام د مقدماتي سیالیو له پیل مخکې سبا (جمعه) د ټایلنډ له ملي لوبډلې سره دوستانه لوبه کوي.
دغه لوبه د افغانستان پر وخت سبا مازدیګر ۵:۳۰ بجې پیلیږي.
د افغانستان د فوټبال ملي لوبډلې لوبغاړي په داسې حال کې په دغه دوستانه لوبه کې د ټایلنډ د فوټبال له ټیم سره مخ کېږي چې د اسیا ملتونو جام په مقدماتي سیالیو کې خپله لومړۍ لوبه د روانې مېلادي میاشتې په ۲۵مه له میانمار سره ترسره کوي.
د هېواد د فوټبال ملي لوبډلې لوبغاړي څه موده مخکې دغه جام ته د چمتووالي نیولو په موخه د ټایلنډ بانکوک ښار ته تللي وو.
GET IN TOUCH
NEWSLETTER
SUGGEST A STORY
PAJHWOK MOBILE APP