کابل (پژواک، ۲ مرغومی ۱۴۰۴): د لوړو زدهکړو وزارت وايي، د افغان اسلامي پوهنتون د طب پوهنځي پر نوي جوړ شوي لابراتور او نورو فرعي برخو یې شاوخوا ۳۵ ميليونه افغانۍ لګښت راغلی چې بېلابېل پرمختللي طبي وسایل، د معایناتو لپاره طبي مواد، مېزونه او څوکۍ پهکې شامل دي .
د یاد وزارت خبرپاڼه کې راغلي: «دغه لابراتوار چې د طب پوهنځي اړوند د طبي ټکنالوجي او مایکروبیالوژي څانګو لپاره فعال او پرانیستل شو، د مالیکولر بیالوژي، بکتریالوژي، پرازیتولوژي، مایکولوژي او ایمینولوژي نورې فرعي برخې هم پهکې شاملې دي چې د پيسيار، کلچر، د ډياېن انسټرکشن، ایاېمار او اېلایزیډای او نور هر اړخیز معاینات پهکې د اجراء وړ دي.»
د لوړو زدهکړو وزیر مولوي نداءمحمد نديم د دغه طبي لابراتوار په پرانيستغونډه کې ویلي چې له شته وسایلو بايد پر ځای، معیاري او مؤثره توګه ګټه واخيستل شي.
هغه زیاته کړې چې د دغه لابراتوار په فعالېدو سره به د هېواد له متخصصو او تکړه ډاکټرانو سره تخنیکي او مسلکي اړیکې پراخې شي، څو د زدهکړو کیفیت لا لوړ شي.
په خبرپاڼه کې د جزئیاتو له ورکولو پرته راغلي چې یاد وزارت سږ کال د ډېرو امارتي پوهنتونونو لپاره ګڼ شمېر نوي لابراتوارونه ايجاد کړي او ګټې اخيستنې ته یې سپارلي دي.
GET IN TOUCH
NEWSLETTER
SUGGEST A STORY
PAJHWOK MOBILE APP