د لغمان امنیه قومانداني وایي، د دغه ولایت د مرکز اړوند سلطان غازي‌بابا ښارګوټي کې یو کس په ډزو وژل شوی خو امنیتي کسانو یې قاتل هم هماله نیولی دی.

د خوړو او درملو ملي ادارې مشر وایي چې افغانستان کې د درملو کلنی لګښت یو میلیارد ډالرو ته رسېږي چې ۲۵ سلنه برخه یې له داخلي تولیداتو تامینیږي.

د ریاست‌الوزراء سیاسي مرستیال مولوي عبدالکبیر ویلي چې اسلامي امارت د ټولو افغانانو د ګډ کور په توګه، توپیري چلندونو ته اجازه نه ورکوي او له ټولو توکمونو یې غوښتي چې د هېواد ابادۍ او سوکالۍ لپاره په ګډه کار وکړي.

علماوو کابل کې د امام ترمذي (رح) له دارالعلوم څخه د ۴۵ کسانو په فراغت‌غونډه کې د علم پر اهمیت خبرې وکړې، ویې ویل چې علم د اسلامي نظام لپاره «موقوف‌علیه» دی او د علم له لارې به افغانستان اباد شي.

تېره اونۍ، کابل ته د بهرمېشتو افغانانو یو پلاوی راغی، بېلابېلو بنسټونو له پاکستانه د افغان کډوالو پر ایستلو اندېښنه وښوده، واشنګتڼ د ښځو حقونو ته پر درناوي ټینګار وکړ، ا.ا وویل، د ښځو حقونه تامین دي او ایراني چارواکو ټینګار وکړ چې په هېواد کې یې د ا.ا مخالفینو ته د سیاسي فعالیت اجازه نه ورکوي.

د بشري حقونو یوه سازمان خبر ورکړی چې وړمه ورځ د ایران په مشهد کې څلور افغان کډوال چې د نشه‌يي توکو په تړاو نیول شوي وو، اعدام شوي دي.

د صنعت او سوداګرۍ وزارت وایي چې کابل کې تر پنځو راتلونکو ورځو پورې د افغان ـ قزاق دوه ورځنی نندارتون جوړیږي.

د کونړ امنیتي مسوولین وایي چې د دغه ولایت په شیګل ولسوالۍ کې د ترافیکي پېښې له امله یو کس مړ شوی او شپږ نور ټپیان دي.

د اسلامي امارت مشر وايي، هر څوک که له اسلامي امارت سره مشکل لري، هغه دې حل کړي خو دی کله هم د اسلام پر سر معامله نه کوي.

د اسلامي امارت رييس‌الوزراء په کور دننه او بهر له ټولو افغانانو غوښتي چې د هېواد د ابادې لپاره چمتو شي او ملاتړ يې وکړي او ټینګار یې کړی چې هیچا ته اجازه نه ورکوي یو ځل بیا د جګړې او فتنې اور بل کړي.

د لوګر د خروار ولسوالۍ اوبو بند بیارغونې چارې بېرته پيل شوې دي؛ خلک او مسوولین وايي چې په جوړېدو به یې زرګونه جریب ځمکه خړوبه شي او ۱۳ زره کورنۍ به ترې ګټه اخلي.

نن د کوچني اختر لومړۍ ورځ ده، د کابل ښار ځانګړې بڼه خپله کړې، ځینې کسان چې له خپلو خپلوانو او دوستانو سره خپه وو او اوس غواړي له یو بل سره پخلا شي له نورو هغو کسانو چې له یو بل سره اختلاف لري هم غواړي څو خپلې کینې پریږدي او له یو بل سره پخلا شي.