د افغانستان لپاره د بریتانیا سفارت شارژدافېر وایي چې اوسني رامنځته شوي شرایط د بشري مرستو ترڅنګ د اقتصادي او سیاسي مسایلو پراختیا لپاره یو ښه فرصت دی.
د چین ځانګړي استازي د ملي دفاع وزارت له سرپرست سره په لیدنه کې په اقتصادي او سوداګریزو برخو کې د افغانستان له خلکو سره د چین د مرستو او همکاریو پر دوام ټینګار کړی دی.
د افغانستان لپاره د چین ځانګړی استازی وایي چې له افغانستانه پر واردېدونکو توکو ګمرکي تعرفه یې تر ډېره له منځه وړې څو د دواړو هېوادونو ترمنځ سوداګري پرمختګ وکړي.
غزني ته راستانه شوي کډوال د سرپناه ترڅنګ په بېلابېلو برخو کې له ستونزو شکایت کوي، خو مسوولین بیا وايي چې د کډوالو ستونزو ته د رسېدنې په موخه يې یوه کمېټه جوړه کړې ده.
د صنعت او سوداګرۍ وزارت وایي چې په تېرو ۱۱ میاشتو کې د ۲۵۲ میلیونه ډالرو په ارزښت د ډبرو سکاره پاکستان، هندوستان، ایران او ترکیې ته صادر شوي دي.
د کابل ځیني اوسېدونکي د ژمي په را رسېدو سره د سونتوکو له لوړو بیو شکایت کوي، وایي چې د اقتصادي ستونزو له امله د هغو د پېرلو توان نه لري او حکومت باید دې برخه کې جدي پاملرنه وکړي.
د پاکستان پخواني لومړي وزیر عمران خان د افغان کډوالو جبري ایستلو ته په غبرګون کې ویلي چې په پاکستان کې د یونیم میلیون افغان کډوالو شتون پر دغه هېواد کوم بوج نه راولي.
د افغانستان پوهنې وزارت په هېواد کې د هلکانو په ښوونځیو کې د تعلیمي نیمګړتیاوو په اړه د بشري حقونو د څار بنسټ راپور رد کړی او ویلې یې دي چې دغه وزارت د پوهنې کیفیت او ودې ته جدي پاملرنه کوي.
په قطر کې د سرپرست حکومت د سیاسي دفتر مشر د افغانستان لپاره د هالنډ له شارژدافیر سره په لیدنه کې د افغانستان او سیمې د روانو حالاتو، د تعامل د اهمیت او له پاکستانه په زور د افغان کډوالو د ایستلو په اړه خبرې کړې دي.
د ډاکترانو یوه اووه کسیزه ډله له کابله بادغېس ته تللې څو هلته د سترګو ناروغانو وړیا درملنه او عملیاتونه وکړي.
د افغانستان او ترکمنستان چارواکو د برېښنا برخه کې د دوه اړخیزو همکاریو پر پراختیا د ټینګار ترڅنګ ویلي چې د راتلونکي ۲۰۲۴ کال لپاره د وارداتي برېښنا تړون غځوي.
د کرکټ له ۱۹ کلنو کمعمره آسیا جام سیالیو په لړ کې د لوبې پچه هند وګټله او لومړی یې افغانستان ته د توپوهنې بلنه ورکړه.
