کابل (پژواک، ۲۷ لېندۍ ۱۴۰۲): د صنعت او سوداګرۍ وزارت وایي چې په تېرو ۱۱ میاشتو کې د ۲۵۲ میلیونه ډالرو په ارزښت د ډبرو سکاره پاکستان، هندوستان، ایران او ترکیې ته صادر شوي دي.
د صنعت او سوداګرۍ وزارت ویاند اخندزاده عبدالسلام جواد پژواک خبري اژانس ته وویل چې د ۲۰۲۳ کال په تېرو ۱۱ میاشتو کې ۱،۴ میلیونه تڼه د ډبرو سکاره صادر شوي دي.
هغه زیاته کړه، د ډبرو دغه سکاره چې ټول ارزښت یې ۲۵۲ میلیونه ډالره کېږي پاکستان، هندوستان، ایران او ترکیې هېوادونو ته صادر شوي دي.
دا په داسې حال کې ده چې تېره ورځ د احصايي ملي ادارې ویلي وو چې یوازې په لړم میاشت کې د څه باندې ۲۲۷ میلیون ډالرو په ارزښت توکي بهر ته صادر شوي دي.
GET IN TOUCH
NEWSLETTER
SUGGEST A STORY
PAJHWOK MOBILE APP