کرنه

د بلخ کرنې، اوبو لګولو او مالدارۍ ریاست مسوولین وايي، په دغه ولایت کې د غواګانو ۳۲ لوی فارمونو فعاله دي چې په کلني ډول ۱۰۵۰ ټنه شیدې تولیدوي.

د فراه د کرنې ریاست وايي، سږ کال په دغه ولایت کې څه باندې ۱۳۵۰۰ ټنه مۍ تولید شوي چې د تېر کال په پرتله ۷۴ سلنه ډېروالی ښیي.

دایکنډي کې ځیني کروندګر وايي چې تازه یې په دغه ولایت کې د پستې نیالګیو اېښودل دود شوي او د پستې ونې د دغه ولایت د ډېرو ولسوالیو له اقلیم سره ښه سازګاري لري.

بدخشان کې بڼوال د خپلو محصولاتو ساتنې لپاره د معیاري سړو خونو له نشتوالي شکایت کوي او له حکومته غواړي چې دوی ته معیاري سړې خونې جوړې کړي.

بغلان کې د مڼو بڼوال او سوداګر وایي، سږ کال په دغه ولایت کې د مڼو حاصلات ډېر دي خو بیه یې د تېر کال په پرتله ۵۰ سلنه ټیټه شوې ده.

په غزني کې د یو میلیون امریکايي ډالرو په لګښت د سبزيجاتو او تازه مېوو ساتنې په موخه یوه لویه سړه خونه جوړه شوه.

په دایکنډي کې یو شمېر کروندګر پر کرنه د اقلیمي بدلونونو ناوړه اغېز ته اندېښمن دي، بلخوا، دغه ولایت کې مسوولین هم وايي چې د وچکالۍ له امله د کرنې له درکه د خلکو په عوایدو کې له ۶۰ تر ۷۰ سلنه پورې کموالی راغلی دی.

د غزني یو شمېر بڼوال وايي چې سږ کال په دغه ولایت کې د مڼو حاصلات ښه دي خو د هغو د پلور لپاره بازار نه لري.

په چین کې د بې‌وزلۍ کمولو او د کرنې ودې په نړۍوال کنفرانس کې د هېواد د کرنې وزارت مرستیال په افغانستان کې د کرنې برخه کې د پانګونې غوښتنه کړې او ویلي دي: «که نړۍ غواړي بې‌وزلي کمه کړي، غوره ده چې له افغانستانه یې پیل کړي.»

د ننګرهار کرنې او مالدارۍ رياست وايي، په دغه ولايت کې د کرنيزو او مالدارۍ محصولاتو د پراختيا او بازار موندنې په موخه د نږدې درې ميليونه امریکايي ډالرو په لګښت هوکړه‌لیکونه لاسلیک شول.

د کرنې، اوبولګولو او مالدارۍ وزارت وایي چې د دغه وزارت مرستیال د کرنې پرمختیا او بې‌وزلۍ کمولو نړۍواله ناسته کې د ګډون په موخه چین ته تللی دی.

د ننګرهار ولايت د کانال شرکت له لوري د دغې ادارې اړوند پر ۵۰۰ جریبه ځمکه د زیتونو د نويو باغونو جوړولو چارې پيل شوې.