فيچرونه

د بلخ ولایت چهاربولک ولسوالۍ د بېلابېلو کلیو یو شمېر اوسېدونکي د څښاک پاکو اوبو ته له نه لاسرسي شکایت کوي او د دې ستونزې د هواري غوښتونکي دي.

پنجشېر کې یو شمېر خلک لوړ ولور ته اندېښمن دي او وايي، دې ستونزې د یو شمېر ځوانانو د واده مخه نیولې ده. هغوی له عالمانو غواړي چې د لمانځه په خطبو کې دا ستونزه یاده او د دیني لارښوونو له مخې د ولور کمولو لپاره حل‌لارې وړاندې کړي.

په دایکنډي کې یو شمېر کروندګر پر کرنه د اقلیمي بدلونونو ناوړه اغېز ته اندېښمن دي، بلخوا، دغه ولایت کې مسوولین هم وايي چې د وچکالۍ له امله د کرنې له درکه د خلکو په عوایدو کې له ۶۰ تر ۷۰ سلنه پورې کموالی راغلی دی.

په خوست ولايت کې د داخلي بې‌ځايه شوو کورنيو غړي له حکومته د بشري مرستو د وېش او د ژوند د نورو لومړنيو اسانتياوو برابرولو غوښتنه کوي.

د کابل ښار ځیني اوسېدونکي وايي چې خپله او د کورنۍ غړي یې د سترګو التهاب پر ناروغیو اخته شوي، بلخوا، ډاکټران د سترګو التهاب ساري ناروغي بولي او وايي چې د دې ناروغۍ د ځینو نښو لیدو په صورت کې دې ژره تر ژره ډاکټر ته مراجعه وشي.

د نیمروز یو شمېر اوسېدونکي په دغه ولایت کې د نورو ولایتونو په پرتله د ایران د ویزې له لوړې بیې شکایت لري او وایي چې د دې ستونزې هواري لپاره دې په دغه ولایت کې د ایران کونسل‌ګري پرانیستل شي.

د غزني یو شمېر بڼوال وايي چې سږ کال په دغه ولایت کې د مڼو حاصلات ښه دي خو د هغو د پلور لپاره بازار نه لري.

اروزګان ولایت کې بېرته راستانه شوي یو شمېر کډوال وايي، سرپناوې نه لري او له حکومته غوښتنه کوي چې د کورونو جوړولو برخه کې مرسته ورسره وکړي.

د پکتيا يو شمېر اوسېدونکي وايي چې له څه مودې راهیسې په مرکز ګردېز کې د انتاني ناروغيو د درملنې ۵۰ بستريز روغتون فعالیت درولی چې باید بېرته یې پيل کړي.

جوزجان کې یوه مېرمن چې د لومړي ځل لپاره یې یوه عکاس‌‌خانه جوړه کړې، وايي، که ملاتړ یې وشي ډېرو نجونو او ښځو ته به په دې برخه کې د کار او زده‌کړې زمینه برابره کړي.

د نسایي ولادي متخصصین سپارښتنه کوي چې هره جوړه باید له واده مخکې خپلو ماشومانو ته د ارثي ناروغیو د لېږد د مخنیوي لپاره ډاکتر ته مراجعه وکړي او خپله وینه معاینه کړي.

د بلخ ولایت په چهاربولک ولسوالۍ کې یو شمېر زده‌کوونکي وايي چې ښوونځي يې ودانۍ او پاکې اوبه نه لري او هم یې ښوونکي کم دي.