دولت او سياست

د برېکس سرمشریزه د«عادلانه نړیوالې پرمختیا او امنیت لپاره د هېوادونو ترمنځ همغږي لا پیاوړي کول» تر عنوان لاندې د روسیې په کازان ښار کې پیلیږي.

د امر بالمعروف، نهې ‌عن‌المنکر او د شکایتونو اورېدلو سرپرست وزیر لغمان کې یوې غونډې ته ویلي، دغه وزارت د ښځو د ټولو شرعي حقونو ورکړې ته ژمن دی، هېڅوک حق نه‌ لري ښځې په بدو کې ورکړي او یا یې په نورو شرعي حقونو سترګې پټې کړي.

د افغانستان د اطلاعاتو او فرهنګ وزارت د هنر او کلتور مرستیال له یوناما غوښتي چې په ولایتونو او ولسوالیو کې د عامه کتابتونونو ودانیو جوړولو، ډیجیټل سیسټم او ګرځنده کتابخونو رامنځته کولو او د هغو د تجهیز برخو کې له دغه وزارت سره مرسته وکړي.

د کانونو او پټرولیم وزارت وایي، پلاوي یې په چین کې د دغه هېواد له دوو شرکتونو غوښتي څو په افغانستان کې پانګونه وکړي.

اسلامي امارت د یحیی سنوار د ژوند بایللو له امله حماس غورځنګ او فلسطیني ولس ته د ډاډګېرنې مراتب وړاندې کړي او د نړۍ له مسلمانانو یې غوښتي چې د فلسطین د خلکو له داعیې ملاتړ وکړي او تر شا یې ودریږي.

د سرحدونو، قومونو او قبايلو چارو وزارت مسوولين وايي چې د اوسني نظام د بقا او ثبات لپاره د قومونو ترمنځ یووالی ډېر مهم دی.

د ملګرو ملتونو د بشري مرستو د همغږۍ دفتر (اوچا) له افغانستان سره د المان د ۱۱،۲ میلیون ډالرو مرستې خبر ورکړی دی.

د افغانستان ریاست‌الوزراء د ایران او پاکستان پر ګډه پوله د یو شمېر افغان کډوالو مرګ ژوبلې راپورونو په اړه د پلټنو لپاره پلاوی وتاکه.

په افغانستان کې د ایران سفیر او ځانګړي استازي، پر افغان کډوالو د ډزو د راپورونو په تړاو ویلي، د هغه پلټنې ښیی چې د سراوان په سرحد کې د لسګونه ناقانونه کسانو د وژلو په تړاو راپورونه حقیقت نه‌لري.

اسلامي امارت وایی، په رسنیو کې د ایران او پاکستان پر ګډه پوله د یو شمېر افغانانو د وژل کېدو او ټپي کېدو د ګنګوسو په اړه معلومات نه دي کره شوي او تر روښانتیا وروسته به یې په اړه لازم تصمیم ونیول شي.

په پاکستان کې د شانګهای د همکارۍ سازمان د ۲۳مې سرمشریزې په ګډه اعلامیه کې راغلي چې په دغه غونډه کې د خبرو او مشورې له لارې د هېوادونو ترمنځ د اختلافونو او شخړو د هواري لپاره پر ژمنتیا ټینګار وشو.

د اوبو او برېښنا وزارت سرپرست وايي، له ټولو نړۍوالو او د بشري حقونو له بنسټونو تمه ده څو نه یوازې په ژمنه، بلکې په عمل کې د افغانستان له خلکو سره د برېښنا پراختیا او اوبو رسولو پروژو برخه کې مرسته وکړي.