دولت او سياست

د اسلامي همکاریو سازمان وايي، د افغانستان لپاره د دغه سازمان مرستیال او ځانګړي استازي له پاکستاني چارواکو سره د افغانستان په اړه خبرې کړې دي.

د ریاست‌الوزراء سیاسي مرستیال وايي چې د اسلامي امارت لومړنۍ موخې ترلاسه شوې او اوس له ګاوڼدیو، سیمې او نړۍ سره د اسلامي امارت اړیکې په ښه حالت کې دي.

په اسلام‌اباد کې افغان سفیر د سیمه‌ییزو مطالعاتو انسټېټیوټ کې د خبرو پر مهال ویلي، د افغانستان او پاکستان اقتصادي او سوداګریزې اړیکې باید له امنیتي موضوعاتو سره ونه تړل شي، دغه کار به د ټولو په ګټه وي.

د ملګرو ملتونو د بشري مرستو همغږۍ دفتر (اوچا) وايي، اسټرالیا له افغانستان سره ۱،۳ میلیون امریکايي ډالره مرسته کوي.

هرات کې د ایران سرکونسل وایي چې هېواد یې د افغانستان مهم اقتصادي شریک دی او ایران تل د سیمې له هېوادونو سره پراخې اړیکې لرلې دي.

د بغلان والي وایي، خلک باید د لا ښې حکومتولۍ رامنځته کېدو په موخه حکومتي چارواکو ته لازمې مشورې ورکړي.

یوې ازبکستاني رسنۍ راپور ورکړی چې د ازبکستان هېواد «فوق‌العاده او کامل الاختیار» سفیر ایبک عثمانوف کابل ته رسېدلی دی.

په مالیزیا کې افغان سفیر د روسیې او منځنۍ اسیا هېوادونو له سفیرانو سره پر دوه اړخیزو اقتصادي او سیاسي اړیکو او د تعامل پر پراختیا کړې دي.

د بحرین او روسیې یو شمېر سوداګر او پانګه‌والو د ریاست‌الوزراء له سیاسي مرستیال سره په ليدنه کې د افغانستان د کانونو د استخراج، د هوایي چلند امنیت خوندیتوب، مسلکي کادرونو روزنې او روغتیا برخو کې پانګونې ته لېوالتیا ښودلې ده.

د افغانستان پخواني ولسمشر حامد کرزي، د پخلاینې مخکینۍ شورا رییس ډاکټر عبدالله او پاکستان، سعودي عربستان او عمان هېوادونو پر ایران د اسرائیلو د تېرې شپې برید غندلی، هغه یې له نړۍ‌والو قوانینو سرغړونه بللې او د کړکېچ پر مخنیوي یې ټینګار کړی دی.

ایټالیایي رسنیو راپور ورکړی چې سبرینا اوګولیني د افغانستان لپاره د ایټالیا د نوې سفیرې په توګه ګومارل شوې او د قطر له پلازمېنې دوحې ښاره به فعالیت کوي.

د افغانستان لپاره د ایران سفیر او ځانګړی استازی وايي، که د افغانستان اقتصاد چې څو ښه کېږي، په هماغه اندازه د سیمې پر هېوادونو مثبت اغېز لرلای شي.