دولت او سياست

د افغانستان لپاره د بریټانیا سفارت شارژدافېر ویلي، لندن له اسلامي امارت سره د خبرو د دوام پلوی دی او «د بریټانیا حکومت په خپل هېواد کې د اسلامي امارت مخالفینو ته د فعالیت اجازه نه ورکوي.»

له ازبکستان څخه کابل د علماوو راغلي پلاوي د رياست‌الوزراء له اداري مرستيال سره په لیدنه کې د خپل سفر موخه د دواړو هېوادونو ترمنځ د اړيکو پياوړتيا بللې او ویلي یې دي، هڅه کوي له رامنځته شوي فرصت غوره استفاده وکړي.

کابل کې د چین سفیر د ریاست‌الوزراء له سیاسي مرستیال مولوي عبدالکبیر سره لیدنه کې ویلي، هېواد یې پلان لري چې د تاجکستان له لارې له افغانستان سره نوی اقتصادي دهلیز پرانیزي او راتلونکې ډسمبر میاشت به چین ته د افغانستان پر صادراتو مالیه هم معاف شي.

د افغانستان بهرنیو چارو وزارت د ترکیې په پلازمینه انقره ښار کې د هوایي صنایعو پر یوه شرکت برید غندلی او هیله یې څرګند کړې چې د ترکیې خلک او دولت بیا له ورته پېښو سره مخ نه شي.

په افغانستان کې د یونسکو مشرې د ملګرو ملتونو د ۷۹يمې کلیزې په مناسبت جوړه شوې غونډه کې وویل، یونسکو له ۱۹۹۳ میلادي کال راهیسې په نړۍواله کچه د ۱۷۱۴ خبریالانو د وژلو پېښې ثبت کړې دي.

د ایران ولسمشر مسعود پزشکیان د هند له لومړي وزیر نرندرا مودي سره کتنه کې ویلي، ایران د هر هغه اقدام ملاتړ کوي چې په افغانستان کې د سولې او ارامۍ په ټینګښت کې مرسته وکړي.

د افغانستان لپاره د م.م د سرمنشي ځانګړې استازې د ریاست‌الوزرا سیاسي مرستیال سره په لېدنه کې ویلي، یوناما به په نږدې راتلونکي کې په افغانستان کې د کوچنیو کاروبارونو د ودې لپاره د پورونو د ورکړې لړۍ پیل کړي.

کابل (پژواک، د لړم لومړۍ نېټه ۱۴۰۳): د افغانستان د کار او ټولنیزو چارو وزارت وايي، د روان کال په دویمه ربعه کې یې څه

د ریاست‌الوزرا سیاسي مرستیال د تخنیکي او مسلکي زده‌کړو ادارې له رییس سره ځوانانو ته د کار موندنې او بهرنیو هېوادونو ته د هغوی د کډوالۍ پر مخنیوي ټینګار کړی او ویلي یې دي چې اسلامي امارت ملت ته خدمت خپل مسؤولیت بولي.

د برېکس سرمشریزه د«عادلانه نړیوالې پرمختیا او امنیت لپاره د هېوادونو ترمنځ همغږي لا پیاوړي کول» تر عنوان لاندې د روسیې په کازان ښار کې پیلیږي.

د امر بالمعروف، نهې ‌عن‌المنکر او د شکایتونو اورېدلو سرپرست وزیر لغمان کې یوې غونډې ته ویلي، دغه وزارت د ښځو د ټولو شرعي حقونو ورکړې ته ژمن دی، هېڅوک حق نه‌ لري ښځې په بدو کې ورکړي او یا یې په نورو شرعي حقونو سترګې پټې کړي.

د افغانستان د اطلاعاتو او فرهنګ وزارت د هنر او کلتور مرستیال له یوناما غوښتي چې په ولایتونو او ولسوالیو کې د عامه کتابتونونو ودانیو جوړولو، ډیجیټل سیسټم او ګرځنده کتابخونو رامنځته کولو او د هغو د تجهیز برخو کې له دغه وزارت سره مرسته وکړي.