د کونړ نهو ولسوالیو کې ګرځنده روغتیایي خدمتونه پیل شول
د کونړ عامې روغتیا ریاست مسوولین وایي، د دغه ولایت د نهو ولسوالیو په لرو پرتو سیمو کې د لوموړي ځل لپاره ګرځنده روغتیایي خدمتونه پیل شول.
روغتیا
راپورونه
تېرو ۶ میاشتو کې د ملاریا ۵۰ زره او د ډینګي ناروغۍ څه باندې زر مثبتې پېښې ثبت شوې
د عامې روغتیا وزارت وايي چې د روان زېږدیز کال په تېرو شپږو میاشتو کې د افغانستان په کچه د ملاریا نږدې ۵۰ زره او د ډينګي ناروغۍ ۱۰۷۷ مثبتې پېښې ثبت شوې دي.
د هېواد په ۲۳ ولایتونو کې د ګوزڼ واکسین د تطبیق کمپاین پیل شو
د عامې روغتیا وزارت وايي چې د هېواد په ۲۳ ولایتونو کې ماشومانو ته د ګوزڼ (پولیو) واکسین څلور ورځنی کمپاین پیل شو.
«تېر یو کال په ننګرهار کې د اته نيم ميليون کسانو د بېلابېلو ناروغيو درملنه شوې»
د ننګرهار د عامې روغتيا رييس وايي چې تېر کال په دغه ولايت کې د اته نيم ميليونو کسانو د بېلابېلو ناروغيو درملنه شوې ده.
غور کې ځينې ښځې چې د شاقه کارونو له امله د ملا پر درد اخته دي، د وړیا درملنې غوښتنه کوي
غور کې ځينې ښځې وایي، د اقتصادي ستونزو او بېوزلۍ له امله مجبورې دي څو د خپلو کورنیو اعاشې برابرولو لپاره شاقه کارونه وکړي چې له امله یې د ملا پر درد اخته شوې او د خپلې درملنې وس نه لري.
بغلان کې له تېرو شپږ میاشتو راهیسې ۴۷۳ ماشومان د شري پر ناروغۍ اخته شوي
د بغلان ولایتي روغتون مسوولین وايي، په تېرو شپږو میاشتو کې ولایتي روغتون ته د شري پر ناروغۍ اخته ۴۷۳ ماشومان وروړل شوي چې له ډلې یې دوه ماشومان مړه شوي هم دي.
د مزارشریف حوزوي روغتون کې په تېر یوه کال کې څه باندې ۳۶ زره عملیاتونه شوي
د بلخ عامې روغتیا ریاست مسوولین وایي، په تېر یوه کال کې د مزارشریف ابو عليسینا بلخي حوزوي روغتون کې څه باندې ۳۶ زره وړیا عملیاتونه ترسره شوي دي.
ډبلیواېچاو: د ډینګي ناروغۍ د مخنیوي په موخه روغتیایي سپارښتنې رعایت کړئ
د روغتیا نړۍوال سازمان ویلي چې د ډينګي میاشې په کورونو او له کورونو بهر له اوبو ډکو لوښو کې وده کوي، خلک باید د اوبو د لوښو، حوضونو او ویالو له پاک ساتلو سره د ډينګي له ناروغۍ مخنیوی وکړي.
د رغېدو لپاره د بدن پر ټپونو د خاورې اچولو باور ناسم دی
یو شمېر کسان وایي، پر بدن د ټپ رغېدو لپاره پر ټپ یا زخم خاوره اچوي، خو ډاکټران وایي، دغه کار نه یوازې چې ټپ نه جوړوي، بلکې میکروبي کوي یې او ان د انسان د مرګ لامل هم کېدای شي.
لوګر کې د ډاکټرانو یو شمېر شخصي کتنځایونه د ناقانونه فعالیت له امله تړل شوي
د لوګر عامې روغتیا ریاست مسوولین وایي چې د دغه ولایت په مرکز پلعلم ښار کې د ډاکټرانو اته شخصي کتنځایونه (معاینهخانې) د غیرقانوني فعالیت له امله تړل شوي دي.
اروپایي ټولنې له افغانستان سره د ۹۸ ټنه طبي تجهیزاتو مرسته وکړه
په افغانستان کې د اروپایي ټولنې شارژدافیرې له افغانستان سره د یادې ټولنې له لوري د ۹۸ ټنه طبي تجهیزاتو د مرستو خبر ورکړی دی.
یونیسف په افغانستان کې د روغتیایي خدماتو د پراختیا ژمنه وکړه
د یونیسف ادارې استازي د عامې روغتیا وزارت سرپرست ته د روغتیا برخه کې د شته ستونزو حل لپاره د بشپړې همکارۍ ډاډ ورکړ او ویې ویل چې له یاد وزارت سره به په همغږۍ خدماتو ته ادامه او لا پراختیا ورکړي.
متخصصه ډاکټره: میندې وروسته له زېږونه هم باید د ډاکټر تر جدي مراقبت لاندې وي
د نسایي ولادي برخې یوه متخصصه وایي، څرنګه چې یوه مور د مېندوارۍ پر مهال د ډاکټر تر مراقبت لاندې وي، وروسته له زېږونه هم اړینه ده چې تر مراقبت لاندې و اوسي؛ ځکه په دغه حالت کې یې نه مراقبت د مرګ لامل کېږي.
بلخ کې په تېرو پنځو میاشتو کې د تور زېړي ناروغۍ له امله ۱۲ کسان مړه شوي
د بلخ روغتيايي مسوولین وایي، په تېرو پنځو میاشتو کې په دغه ولايت کې پر تور زېړي اخته نږدې ۲ زره ناروغانو روغتون ته مراجعه کړې چې له ډلې يې ۱۲ کسان مړه شوي دي.
د لغمان د الینګار ولسوالۍ د ساودرې اوسېدونکي روغتیایي خدماتو ته لاسرسی نه لري
د لغمان د الینګار ولسوالۍ اړوند د ساو درې یو شمېر اوسېدونکي شکایت کوي چې په سیمه کې یې روغتیایي خدمتونو ته د نه لاسرسي له امله له ستونزو سره مخ دي.
بامیان کې یو شمېر خلک وايي، په دغه ولایت کې د ستوني او غوږونو درملنې لپاره امکانات نشته
د بامیان یو شمېر اوسېدونکي په دغه ولایت کې د ستوني او غوږونو ناروغیو درملنې برخه کې د امکاناتو پر نشتوالي اندېښنه څرګندوي او وايي، د دې برخې ناروغان اړ دي چې د درملنې لپاره نورو ولایتونو ته ولاړ شي.
تېر یوه کال کې د کابل استقلال روغتون کې د جراحي څه باندې ۱۸ زره عملیاتونه شوي
د عامې روغتیا وزارت وایي چې په تېر یوه کال کې د استقلال په ملي او تخصصي روغتون کې څه باندې ۱۸ زره وړیا جراحي عملياتونه شوي دي.
عامې روغتیا ریاست: ننګرهار کې سږ کال د ملاريا پېښې ډېرې شوې دي
د ننګرهار عامې روغتیا ریاست وايي، سږ کال په دغه ولايت کې د ملاريا پېښې ډېرې شوې دي خو دوی هڅه کوي چې د مخنيوي لپاره يې د پشهخانو د وېش لړۍ پيل کړي.
ډاکټران: له اتلسکلنۍ مخکې میندواره کېدل د مور او ماشوم لپاره ښې پایلې نه لري
د نسایي ولادي متخصصین وایي چې له اتلس کلنۍ مخکې میندواري مور او ماشوم لپاره د روغتیایي ستونزو لامل کېدای شي، د دې ستونزې د مخنیوي په موخه باید په کم عمر کې له واده کولو ډډه وشي.
د عامې روغتیا سرپرست د م.م له استازې سره د روږدو درملنې برخه کې پر لا همغږۍ خبرې وکړې
د عامې روغتیا وزارت وایي، د دغه وزارت سرپرست د ملګرو ملتونو له نشهيي توکو او جرمونو سره د مبارزې دفتر له استازې سره له درملنې وروسته روږدو ته د فني او حرفوي زدهکړو پر برابرېدو خبرې کړې دي.
اروزګان کې د یوه ماشوم له سترګو د ژړا پر مهال د اوښکو پر ځای وینه بهېږي
د اروزګان د عامې روغتیا رییس وايي چې په دغه ولایت کې د یوه ماشوم له سترګو د ژړا پر مهال د اوښکو پر ځای وینه بهېږي.
په ميندو کې له زېږون وروسته ژور خپګان او درمنله یې
ډاکټران وايي، ډېرې ميندې د میندوارۍ او له زېږون وروسته مهال د اندېښنو، ویني کموالي او کمزورۍ له امله پر ژور خپګان اخته کېږي چې که له دوو اوونیو ډېر دوام پیدا کړي، باید ارواپوه ته مراجعه وشي.
نږدې درېیو کلونو کې د هېواد په کچه د څه باندې ۱۱۵ زره روږدو درملنه شوې
د کورنیو چارو وزارت وايي، د ا.ا له واکمنېدو راهيسې په ټول هېواد کې د څه باندې ۱۱۵ زره روږدو درملنه شوې، د نشهیي توکو د تولید ۱۳۱۵ فابریکې ویجاړې شوې او څه باندې ۲۱۷ زره هکتاره کوکنار له منځه وړل شوي دي.
میدانوردګو کې د یوه کس په شخصي لګښت یوه روغتون ته ودانۍ جوړه شوه
د عامې روغتیا وزارت وایي، د میدانوردګو ولایت په سیداباد ولسوالۍ کې د یوه کس په ۱.۵ میلیونه ډالرو مالي لګښت یوه روغتون ته ودانۍ جوړه شوه.
