کابل (پژواک، ۱۱ چنګاښ ۱۴۰۳): په افغانستان کې د اروپایي ټولنې شارژدافیرې له افغانستان سره د یادې ټولنې له لوري د ۹۸ ټنه طبي تجهیزاتو د مرستو خبر ورکړی دی.
د افغانستان لپاره د اروپایي ټولنې شارژدافیرې رافایلا ایودیس دغه خبر تېره ورځ پر خپله اېکسپاڼه خپور کړی دی.
هغې ویلي چې یاده اندازه مرسته به پر خوارځواکو ماشومانو، ناروغانو او سېلابځپلو ووېشل شي.
نوموړې دغه راز زیاته کړې چې یادې ټولنې له ۲۰۲۱ کال راهیسې له افغانستان سره د ۱۷۵۰ ټنه طبي تجهیزاتو مرسته کړې ده.
