روغتیا

د خوست د عامې روغتيا رياست وايي چې سږ کال په دغه ولایت کې د نري رنځ يا توبرکلوز ۲۰۴۵ پېښې ثبت شوې چې له امله یې ۱۳ کسانو ژوند له لاسه ورکړی دی.

د عامې روغتیا وزارت په ۱۶ ولایتونو کې د ماشومانو ګوزڼ (پولیو) ضد واکسین د درې ورځني فرعي کمپاین د پیل خبر ورکوي چې په ترڅ کې به یې ۶،۳ میلیون ماشومان واکسین شي.

د کندهار د ډنډ ولسوالۍ په کرز سیمه کې د قطر هېواد د سرې میاشتې په مالي ملاتړ یو روغتیايي مرکز جوړ او ګټې اخیستنې وسپارل شو.

۳۲ کلن زکریا چې د خپل عمر څه باندې لس کاله یې په نشو کې تېر کړي او اوس روغ شوی وايي، ټول فکر کوي چې د نشې پرېښودل ناشوني دي، خو داسې نه ده، که قاطع تصمیم وي، هر روږدی کولای شي ان پرته له بستر کېدو یې پرېږدي.

د هېواد د عامې روغتیا وزارت سرپرست د اسلامي همکاریو سازمان له استازو سره په لیدنه کې د افغانستان د روغتیايي سیسټم د پیاوړتیا لپاره د یاد سازمان د مرستې غوښتنه کړې ده.

د بادغیس د عامې روغتیا ریاست خبر ورکوي چې په دغه ولایت کې د ګوزڼ (پولیو) لومړۍ پېښه ثبت شوې ده.

کابل کې د سردار محمدداوود خان روغتون په کمپلېکس کې نوې ۱۰۰ بستریزه څانګه او د ملکي ناروغانو لپاره ځانګړی روغتون پرانیستل شول او پر طبي تجهیزاتو سمبال «اېن‌کي‌سي کمپ» هم دغه کمپلېکس ته وسپارل شو.

د افغانستان د عامې روغتیا وزارت سرپرست کابل کې د چین له سفیر سره په لیدنه کې د ساري ناروغیو پېښو ته د رسېدنې په موخه د وسایلو، درملو او واکسین برابرولو برخو کې د همکارۍ غوښتنه کړې ده.

غزني ولایت کې له ۲۵ روغتیايي مرکزونو سره د افغانانو د پوهې او وړتیا لوړولو موسسې له لوري د طبي او غیرطبي وسایلو مرسته وشوه.

د غور یو شمېر اوسېدونکي وايي چې د غوږونو درد د پیاز په اوبو، ګرمو غوړیو او نورو دودیزو لارو درملنه کوي، خو ډاکټران دغه کار خطرناک بولي او سپارښتنه کوي چې د غوږونه د درد پر مهال باید روغتیايي مرکز ته مراجعه وشي.

د نسایي ولادي متخصصین وايي، ځینې میندې د امېندوارۍ په وخت کې د وینې لوړ فشار پیدا کوي چې د مور او جنین د روغتیا لپاره خطر پېښولای شي او د ځینو نښو په لېدو سره مور باید تر مراقبت لاندې وي.

کارپوهان د بایسکل چلولو فرهنګ دودول اړین بولي او وايي چې د تګ راتګ لپاره له بایسکل څخه ډېر کار اخیستل د هوا د ککړتیا کمېدو سربېره د کورنیو په روغتیا او اقتصاد کې هم ډېر مهم رول لري.