روغتیا

ځیني هغه کسان چې مور یا پلار یې د شکر پر ناروغۍ اخته دي، اندېښنه لري چې دوی هم هرو مرو پر دې ناروغۍ اخته کېږي، خو د روغتیایي چارو متخصصین وایي، ټول دا ډول کسان پر شکر نه اخته کېږي او ځیني غیرارثي عوامل هم د دې ناروغۍ لامل کېدای شي.

سمنګان کې روغتیايي مسوولین وايي چې له ماشومانو د ملګرو ملتونو د ملاتړ صندوق (یونیسف) د دغه ولایت له ولایتي روغتون سره د ۵۰ زره امریکايي ډالرو په ارزښت د طبي تجهیزاتو مرسته وکړه.

د کورنیو چارو وزارت وايي، د نشه‌یي توکو سلګونه روږدي له درملنې او مسلکي زده‌کړو له ترلاسه کولو وروسته خپلو کورنیو ته وسپارل شول.

د المان د سولې کلي خیریه بنسټ یوه مسوول له افغاني سرې میاشتې ټولنې سره د ماشومان د سختې سوځېدنې او د هډوکو عفونت درملنې لپاره ۴۰ زره یورو نغده مرسته وکړه او د خپلو مرستو پر دوام یې ټینګار وکړ.

د ننګرهار د امنيه قومانداني مسوولین وايي، د جلال‌اباد ښار له واټونو څخه يې لسګونه روږدي کسان راټول او د درملنې لپاره يې پلازمېنې کابل ته ولېږدول.

د غزني په مقر ولسوالۍ کې د ۹،۵ میلیون افغانیو په لګښت د یوه روغتیايي مرکز لپاره ودانۍ جوړه او ګټې اخیستنې ته وسپارل شوه.

د نیمروز ځیني اوسېدونکي د دغه ولایت په ولایتي روغتون کې د غوږونو او ستوني برخې ډاکټرانو له نشتوالي شکایت کوي، بلخوا، د نیمروز د عامې روغتیا ریاست هم دغه ستونزه مني او وايي چې د حل لپاره یې پلان لري.

سمنګان کې روغتیايي مسوولین وايي، له قوانینو د سرغړونې او د فعالیت جوازونو نه درلودو له امله یې د دغه ولایت په دره صوف بالا او پایین ولسوالیو کې لسګونه کلینیکونه، معاینه‌خانې او درملتونونه تړلي دي.

د عامې روغتیا وزارت سرپرست د ایمرجنسي روغتونونو له مشرې سره په ليدنه کې د شته روغتیایي خدماتو د پراختیا، معلولیت لرونکو ناروغانو ته د خدمتونو برابرولو او ایمرجنسي روغتونونو کې د تخصصي برنامو د پیل په اړه خبرې کړې دي.

ننګرهار کې یو شمېر خلک له تېرو دوو اونيو راهيسې د ډينګي ويروسي ناروغۍ په اړه اندېښمن دي خو د دغه ولايت روغتيايي چارواکي که څه هم د ډینګي ناروغۍ شتون تاییدوي خو وايي، په دومره کچه نه ده چې د اندېښنې وړ وي.

د افغاني سرې میاشتې ټولنه وايي، تر درېیو راتلونکو ورځو پورې په سخت سوځېدلي او د هډوکو پر ناروغیو اخته ۸۹ ماشومان د درملنې په موخه المان ته لېږدول کېږي.

د ملګرو ملتونو سازمان د وګړو صندوق حوزوي رییس د عامې روغتیا وزارت له سرپرست سره په لیدنه کې ویلي چې له افغانستان سره د روغتیا برخه کې خپلو همکاریو ته دوام ورکوي.