روغتیا

جوزجان کې د نسايي ولادي برخې یو متخصصه ثریا قیومي په دغه ولایت کې له ایرانه تازه راستنو شوو مېرمنو ته په وړیا ډول روغتیايي خدمات وړاندې کوي.

یو شمېر ډاکټران په داسې حال کې په ماشومانو کې د شري ناروغۍ ډېرېدو خبره کوي چې د عامې روغتیا وزارت د روان ميلادي کال په شپږو میاشتو کې د هېواد په کچه د دې ناروغۍ د څلور زره شکمنو پېښو له ثبتېدو خبر ورکوي.

د کورنیو چارو وزارت له نشه‌يي توکو سره د مبارزې معین د ملګرو ملتونو له نشه‌يي توکو او جرمونو سره د مبارزې دفتر عملیاتي برخې له رییس سره په لیدنه کې د بدیل کښت او روږدو درملنې برخو کې د دغه بنسټ د ملاتړ ډېرېدو غوښتنه کړې ده.

په لوګر کې سیمه‌ییز مسوولین وايي چې په دغه ولایت کې له تېرې یوې میاشتې راهیسې په ماشومانو کې د نس‌ناستې ناروغي په بې‌ساري ډول ډېره شوې ده.

د جاپان حکومت، په افغانستان کې د پولیو د له‌منځه وړلو او د واکسین خدمتونو د پیاوړتیا لپاره له یونیسف سره پنځه میلیونه امریکايي ډالر مرسته وکړه.

د عامې روغتیا وزارت په خصوصي روغتیایي مرکزونو کې د بهرنیو او کورنیو ډاکټرانو او روغتیایي کارکوونکو د فعالیت د تنظیم په موخه یوه کمېټه ټاکلې ده.

د صحت طفل روغتون سرطبیب او ځینو ډاکټرانو د «د ماشومانو لپاره په بسته‌بندي شوو خوراکونو کې کیمیاوي رنګونه؛ د ماشومانو د روغتیا لپاره جدي ګواښ» په عنوان د پژواک وروستی راپور د عامه پوهاوي کچې په لوړېدو او د یادو خوراکونو د پلور د مخنیوي لپاره د مسوولینو د پاملرنې جلبېدو کې اغېزناک ګام بللی دی.

د بهرنیو چارو وزارت سرپرست د سره صلیب او سرې میاشتې ټولنې نړۍوال فدارسیون د آسیا پاسیفیک حوزې له رییس سره په لیدنه کې د ګډو همکاریو د دوام، د بشري مرستو زياتوالي او په افغانستان کې د روغتیایي مرکزونو د تمويل او تجهيز په اړه خبرې کړې دي.

د عامې روغتیا وزارت سرپرست وايي، نړۍوال سازمانونه باید خپل خدمات د روغتیا له نوې ملي پالیسۍ سره سم تنظیم کړي او د خدمتونو وړاندې کولو پر مهال دې هغې ته ځانګړی پام ولري.

د ملګرو ملتونو سازمان خبرداری ورکړی چې افغانستان به په راتلونکو څو ورځو کې د سختې ګرمۍ له څپې سره مخ شي؛ ورته مهال، د عامې روغتیا وزارت اعلان کړی چې د هوا تودوخې او موسمي ناروغیو له امله اغېزمنو کسانو ته د هېواد په ټولو روغتونونو کې د اړتیا وړ امکانات برابر شوي دي.

د کابل د طبي علومو پوهنتون د روغتیايي موسسو چارو مرستیال، یو شمېر ډاکټرانو او د ټولنیزو شبکو کاروونکو د «په ماشومانو کې اوتیسم، نښې او د تشخیص او درملنې لارې چارې یې» تر عنوان لاندې د پژواک خبري اژانس راپور د عامه پوهاوي کچې لوړولو برخه کې مهم او ګټور بللی او د ورته راپورونو خپرولو د دوام غوښتنه یې کړې ده.

په داسې حال کې چې د ماشومانو لپاره د پاپړ، چپس او بیسکېټو په څېر بسته‌بندي شوو خوراکونو د دوکاندارانو بازار تود ساتلی، خو روغتیايي متخصصین او د عامې روغتیا وزارت وايي، په یو شمېر دغو خوراکونو کې کیمیاوي رنګونه کارول شوي چې په اوږدمهال کې د ماشومانو روغتیا ته زیان رسوونکي دي.