مرکې

د هلمند د پوهني ریاست مسوولین وایي، د دغه ولایت یو شمېر ولسوالیو کې هیڅ ښوونځی نشته او په خبره یې چې د ښوونځیو او ښوونکو د کمښت له امله دغلته ۶۰ سلنه ماشومان له زده‌کړو بې‌برخې دي.

د معصومې نظري په نوم یوه نجلۍ چې د لیسانس تر کچې زده‌‌کړې لري او د بغلان په مرکز پلخمري ښار کې یې د ښځو ځانګړی رسټورانټ جوړ کړی، وايي، که ملاتړ یې وشي کولای شي لسګونو ښځو ته د کار زمینه برابره کړي.

د واجدالله په نوم یو بېوزلی ځوان چې هره ورځ ښوونځي ته له تلو مخکې به یې تر غرمې پورې په خوست ښار کې لاسي کراچۍ ګرځوله، د سږني کانکور له لارې د طب پوهنځي ته بریالی شوی دی.

فرید زکریا، هغه افغان ‎چې له ۴۴ کلونو وروسته له امریکا افغانستان ته راغلی وايي، د هېواد وضعیت لکه څنګه چې منفي تبلیغ کېده، هغسې نه دی، د هېواد د وضعیت په اړه یې ډاډ ترلاسه کړی او څو میاشتې وروسته به خپله کورنۍ هم افغانستان ته راولیږي.

د تېر حکومت یو چارواکی محمداصف ننګ وایي، افغانستان کې امنیت ښه ټینګ شوی، اقتصادي ډېپلوماسي هم بریالۍ ده، خو حمایوي قوانینو ته اړتیا لري او دغه‌راز هېواد کې د ثبات لپاره باید اړین ګامونه پورته شي.

د نسایي ولادي برخې یوه متخصصه وایي، څرنګه چې یوه مور د مېندوارۍ پر مهال د ډاکټر تر مراقبت لاندې وي، وروسته له زېږونه هم اړینه ده چې تر مراقبت لاندې و اوسي؛ ځکه په دغه حالت کې یې نه مراقبت د مرګ لامل کېږي.

د اوبو او برېښنا وزارت وروستيو ډېرو ورښتونو هیله‌من کړی او وايي چې د څه باندې تېرو دوو کلونو په جریان کې د ځمکې لاندې اوبو تقویې لپاره په مرکز او ولایتونو کې ۷۰ چک‌ډیمونه جوړ شوي او ۳۶۰۰ جذبي څاه‌ګانې کیندل شوې دي.

د سولې او پراختیايي چارو کارپوه مشتاق رحیم وايي، افغانستان کې له سیاسي بدلون وروسته د نړۍ‌والو بېړنۍ مرستې غوره اقدام و، خو نور باید نړۍوال په داسې برخو کې پر مرستو تمرکز وکړي چې اړ خلک پر ځان بسیا کړي.  

په پاکستان کې د اسلامي امارت مخکنی سفير ملا عبدالسلام ضعيف وايي، افغانستان په نړۍ کې له سياسي انزوا وتلی خو د اساسي قانون او يوې سياسي ستراتيژي جوړول کولی شي د رسميت پېژندنې برخه کې ګټور تمام شي.

د جوزجان مرکز شبرغان ښار کې یوې مېرمنې د یوه کورس په جوړولو سره ۱۰۰ نجونو ته له شپږم ټولګي پورته د زده‌کړو زمینه برابره کړې، دغه کورس کې شاملې نجونې له ا.ا غواړي چې د دوی انتظار دې پای ته ورسوي او پر مخ یې دې ښوونځي پرانیزي.

د هلمند عامې روغتیا ریاست مسوولین وایي، لا هم د دغه ولایت په بېلابېلو ولسوالیو کې داسې سیمې شته چې خلک یې هیڅ ډول روغتیایي خدماتو لاسرسی نه‌لري او زیاتوي چې باید لږ تر لږه ۳۷ نوي روغتیایي مرکزونو ورته جوړ شي.

د امریکا کالیفورنیا پوهنتون افغان استاد ډاکټر عالم خان د دولتي کارکوونکو له تنخواوو د تقاعد ګرځولو په اړه د اسلامي امارت پرېکړه پر ځای بولي او د راتلونکي لپاره نوې طرحه ورته وړاندې کوي.