دین او کلتور

د افغانستان د اسلامي امارت د رییس‌الوزراء سیاسي مرستیال مولوي عبدالکبیر د نبي کریم (ص) د زوکړې ورځې په مناسبت جوړه شوې غونډه کې له خلکو سره د مجاهدینو پر ښه چلند ټینګار کړی او له مسوولینو یې غوښتي څو‎ په خپلو کړنو کې نبوي اخلاق او اسلامي احکام په پام کې ولري.

د اطلاعاتو او فرهنګ وزارت سرپرست د روسیې په سنټ پیټرزبورګ ښار کې د «کلتوري اتحاد» په ناسته کې ویلي، افغانستان کې د کلتوري میراثونو او تاریخي ځایونو بیارغونې او امنیت ته پام شوی او د قاچاق او غیرقانوني کېندنو مخه یې نیول شوې.

د غور د اطلاعاتو او فرهنګ ریاست وايي، یو ځوان ګرځندوی چې له ایرلېنډ څخه یې دغه ولایت ته سفر کړی و، نن د اسلام په مبارک دین مشرف شو.

د اطلاعاتو او فرهنګ وزارت خبر ورکړی چې د دغه وزارت سرپرست د «فرهنګونو اتحاد» فورم ناسته کې د ګډون په موخه د روسیې سن‌پټرزبورګ ښار ته ولاړ.

د هېواد د اطلاعاتو او فرهنګ وزارت د هنر او فرهنګ معین غور ته په خپل سفر کې د جام منار د کتنې پر مهال وویل، یونسکو باید د دغه منار ساتنې برخه کې خپل مسوولیت ادا کړي.

بدخشان کې ځایي مسوولین وایي چې د دغه ولایت په کرا‌ن ‌و منجان ولسوالۍ کې د ناصر خسرو بند او د ګل بېګم کلا په نومونو دوه تاریخي او طبیعي سیمې د لارو خرابوالي له امله د سیلانیانو له نظره پټې پاتې دي.

بدخشان کې ځايي مسوولین وایي چې په دغه ولایت کې د «حکیم ناصر خسرو بلخي» مقبرې چې سلګونه کاله مخینه لري، د ترمیم چارې پیل شوې دي.

د اطلاعاتو او فرهنګ وزارت وایي چې د دغه وزارت د هنر او فرهنګ مرستیال د جام منار وضعیت ارزونې په موخه غور ولایت ته سفر کړی دی.

د خوست والي وایي، ځوانان دې له پردي کلتورونو ځانونه وساتي او خپل کلتور ته دې ارزښت ورکړي.

د حج او اوقافو وزارت وایي، سږ کال د حاجیانو له لګښته څه باندې یو میلیون ډالر پاتې دي چې دوى يې سبا د بېرته ورکولو لړۍ پیلوي.

کارپوهان وایي چې د ګرځندوی صنعت له غوړېدو سره په بامیان کې سیمه‌ییز اقتصاد وده کړې او سلګونو کسانو ته کارونه پیدا شوي او د دغه صنعت برخه کې د لا ډېرې پانګونې په صورت کې به افغانستان په راتلونکي کې د ګرځندوی پر مرکز بدل شي.

د پکتيا د روحاني بابا ولسوالۍ اړوند په شاهي‌کوټ دره کې د لومړي ځل لپاره د شاعرانو، حکومتي مسوولینو او عامو خلکو په ګډون یوه لویه مشاعره جوړه شوه.