ټولنه

د فراه د اوبو او برېښنا رییس وايي چې په دغه ولایت کې له ۱۴۰۱ کال راهیسې تر اوسه د ځمکې لاندې اوبو کچه له ۲۰ تر ۳۰ مترو پورې ښکته شوې ده.

د خوړو نړۍوال سازمان په پنجشېر کې د مرستو په ډېرولو سره له ۸۵۰۰ کورنیو سره د خوراکي توکو دوامداره مرسته پيلوي او د اغاخان بنسټ د دغه ولايت په پنځو ولسوالیو او مرکز کې ۵۹ د پاکو اوبو شبکې او کانالونه جوړوي.

کابل کې يو شمېر لوستي ځوانان وايي، سره له دې چې لوړې زده‌کړې يې کړې خو بیا هم دندې نه ورته پيدا کېږي، خو حکومتي مسوولين دغه ډول ځوانانو ته د کار پيدا کېدو برخه کې د بېلابېلو پروګرامونو درلودو خبره کوي.

د اسلامي امارت د رییس‌الوزراء د حکم له مخې، د برېښنایي پېژندپاڼو په وېش کې د اسانتیاوو برابرولو او د چارو د هراړخیز ښه‌والي په موخه ځانګړې کمېټه وټاکل شوه.

د عدلیې وزارت وایي، کابل ښار کې یې د ۳۴ ټولنو، خيریه بنسټونو او شوراګانو د دفترونو ارزونه کړې چې په پایله کې یې د درېیو خيریه بنسټونو، یوې ټولنې او یوې شورا دفترونه د غیرقانوني فعالیت له امله تړلي دي.

د غزني په ناور ولسوالۍ کې د کوچیانو او هزاره‌ګانو ترمنځ نهه کلنه دښمني د قومي مشرانو، دیني عالمانو او حکومتي مسوولینو په منځګړیتوب پای ته ورسېده.

غور کې د دوو قومونو ترمنځ سله کلنه دښمني چې له امله یې د دواړو خواوو سل کسان وژل شوي وو، د سرحدونو، قومونو او قبایلو چارو وزارت په منځنګړیتوب پای ته ورسېده.

د پکتیا د جاني‌خېلو ولسوالۍ خلک وايي چې په دې ولسوالي یوازې یو مخابراتي انتن دی او ډېر خلک یې مخابراتي خدمتونو ته لاسرسی نه لري.

د امر بالمعروف،‌ نهې ‌عن‌المنکر او شکایتونو اورېدو وزارت وایي، د تخار ولایت په چال ولسوالۍ کې د دغه وزارت د محتسیبینو له لوري یوه معلوله نجلۍ د خپل ورور له بنده را خلاصه شوه.

د لغمان ولایت سیمه‌ییز مسوولین وایي چې د دغه ولایت قرغیو ولسوالۍ اړوند قلعه ټکه نواباد سیمه کې ۱۴ کورنیو د «پیریانو» له لاسه خپل کورونه پرېیښي دي.

لوګر کې د دغه ولایت د اطلاعاتو او فرهنګ ریاست له لوري د مطالعې دودولو په موخه د کتابونو یو ورځنی نندارتون جوړ شو.

یو شمېر کابل ښاریان په داسې حال کې د اوبو له کمښته شکایت کوي چې د اوبو او برېښنا وزارت وايي، کابل ته د پنجشېر سیند اوبو د لېږد پروژې په پلي کېدو سره دغه ښار کې دوه میلیون کسان د څښاک پاکو اوبو ته لاسرسی پیدا کوي.