Uncategorized

د ریاست‌الوزرا اقتصادي معاونیت وایي چې په مزار، تخار او جوزجان ولایتونو کې پر ۲۰۰۰ هکتاره ځمکه د پالم ونو کرنیزو فارمونو جوړولو طرحه تایید او د مشرتابه مقام ته واستول شوه.

د بلخ په مرکز مزارشریف ښار کې «د هیلې کړکۍ» په نوم د نندارتونونو لپاره د ۶۵ غرفو لرونکی دایمي مرکز جوړ او ګټې اخیستنې ته وسپارل شو.

د ریاست‌الوزراء اقتصادي معاونیت وایي، ملا عبدالغني برادر د ترمذ نړۍوال سوداګریز مرکز د پرانیستې په مراسمو کې د ګډون په موخه د ازبکستان ترمذ ښار ته ولاړ.

د ترانسپورټ او هوایي چلند وزارت مسوولین وایي چې په تېر یوه کال کې د افغانستان له فضا څه باندې ۴۰ زره عبوري الوتنې ترسره شوې او په وروستیو دوو میاشتو کې د دغو الوتنو شمېر ډېر شوی دی.

د ملګرو ملتونو د ماشومانو ملاتړ صندوق (یونیسف) ویلي چې اروپایي ټولنې افغانستان کې د خوارځواکه افغان ماشومانو درملنې او د زده‌کړو لپاره ۱۳ میلیونه یورو مرسته اعلان کړې.

د افغانستان د بهرنیو چارو وزارت وايي، مولوي بدرالدین حقاني متحده عربي اماراتو کې د افغانستان د سفیر په توګه خپل باورلیک د یاد هېواد د بهرنیو چارو وزارت د تشریفاتو څانګې ته وسپاره.

د اطلاعاتو او فرهنګ وزارت سرپرست په کابل کې د قطر سفارت له سلاکار څخه غوښتي څو د افغانستان د تاریخي اثارو لپاره د نندارتونونو جوړولو او افغان ځوانانو ته د روزنیزو سیمینارونو برابرولو برخه کې همکاري وکړي.

د اروزګان – کندهار لویې لارې په اړه د پژواک خبري اژانس د راپور له خپرېدو وروسته اوس د اروزګان ځایي مسوولین وايي، د دې لارې د یوې برخې جوړولو چارې یې پیل کړې دي.

د امر بالمعروف، نهې عن‌المنکر او شکایتونو اورېدلو وزارت سرپرست ویلي چې په ټولنه کې د ناوړه دودونو او د‌ هغو بدو پایلو له منځه وړلو ته ژمن دي او هیڅ چا ته اجازه نه ورکول کېږي چې له دغو دودونو څخه په استفادې د چا حق ورڅخه واخلي.

د سرحدونو، قومونو او قبایلو چارو وزارت سرپرست وايي، د اسلامي امارت له واکمنېدو راهیسې په ټول هېواد کې د قومونو او کورنیو ترمنځ ۴۰۰ لویې او وړې دښمنۍ او شخړې هوارې شوې دي.

د المپیک ملي کمېټه وایي چې د سوک‌وهنې ملي لوبغاړي په اسیایي سیالیو کې د درېیم مقام له ګټلو وروسته نن بېرته هېواد ته راستانه شول.

د ملګرو ملتونو د ماشومانو د ملاتړ صندوق (UNICEF) وایي چې سږ کال به په افغانستان کې د ۱۹۰ لومړنيو ښوونځيو ودانۍ ورغوي.